Uzeu copene:Lucyin/Egurniyaedjes

L’ istwere del grande inondåcion d’ Châlerwè, e 1850

Vos vs sovnoz di kî çk' a rfondou ci tecse la vaici ? Reptilien.19831209BE1 (talk) 11:57, 22 May 2020 (UTC)

C' est mi, po l' Aberteke, diviè 1999-2000.

--Lucyin (talk) 15:56, 22 May 2020 (UTC)

« Châlerwè » divins l' tite, mins « Tchålerwè » divins l' tecse, gn a-t i ene råjhon ? Fåt i wårder les deus cognes ? Reptilien.19831209BE1 (talk) 18:25, 22 May 2020 (UTC)

Dj' a croere comprinde ki "Tchålerwè" esteut uzé e djenerå (sortoit e rifondou), mins ki "Châlerwè" sereut on djinre di Feler (çoula s' dit "so plaece" : https://lucyin.walon.org/diccionairaedje/brouyon_viyaedjes.html). Estant dné k' el tecse a stî rapontyî e rifondou djè wardêyreu "Tchålerwè".

Èl-Gueuye-Noere (talk) 18:45, 22 May 2020 (UTC)

Oyi, "Tchålerwè" e rfondou "tårdou" (Châlèrwè e Feller). Dandjreus k' on n' aveut nén co "oizou" scrire tot shuvant "Tchåle" = "Châle".

--Lucyin (talk) 17:03, 26 May 2020 (UTC)

Wikisourd e walon

Cwand vs åroz cénk munutes, on ptit messaedje vaici po dner voste aspoya pol pordjet sereut l' bénvnou ;-) Reptilien.19831209BE1 (talk) 08:28, 23 May 2020 (UTC)

Ouves da Jacques Desmet

L' otorijhaedje a stî stitchî so les pådjes di copene po tchaeke scrijhaedje, metans : Talk:T’ès come on bwès d’ sapéns. Gn a pus rén a fé, tot est e-n ôre, asteure !

Deus ptitès kesses (motoit a dmander a Djåke lu-minme) :

• Djåke vs a-t i dit pocwè l' tite del pådje est Novèles dë Mélin (pluriyal) mins l' tite do scrijhaedje est Li twa (Li torê) dèl cinse Béli ? Sereut ç' ene ramexhnêye di noveles, mins k' pol moumint i nd a k' ene, et kels ôtes vont-st ariver ?
• divins l' sicrijhaedje « Lès bièsses pachîn’ » (longowe voyale), u co divins « lès-èfants achèvin’ » (coûte voyale), c' est bén l' munute k' est eployeye : /paʃiːn/, /aʃɛvin/ (avou acawaedje d' on « n ») ?

Reptilien.19831209BE1 (talk) 07:47, 23 July 2020 (UTC)

Dji croe ki ci tecse la n' est nén dins les "Noveles di Mélin" (dji n' a nén l' ramexhnêye cial come fitchî, ni l' live papî); on l' a metou vaila tot s' brouyant, pu on a dvou "lever l' daxhe" sins l' ricandjî. Dji lyi telefonrè dmwin po vey cwè. Sol Daegntoele, si vos l' vloz atôtchî, i våt mî passer pa Fesbok (il est toltins dsu).

les cawete -în' et -in' (oyi avou l' "coron-stitchete" = munute ortografike) si rcandjnut dins ses scrijhaedjes; teyoricmint, cwand i scrît e "walon d' Mélin", c' est court, come totes les voyales e Roman Payis; cwand i scrît e rfondou namurwès, elle est longue.

--Lucyin (talk) 10:53, 24 July 2020 (UTC)

Dji l' a cålé enawaire. Mins i n' saveut pus di wice ki l' "twa" didvineut. Mins dji l' a rtrové dins mes fitchîs: c' est ene ramexhnêye ki s' lome "Novèles à n’nin mète è totes lès mwins". Dji lyi a fwait ene pådje et mete les ôtes noveles dins l' pådje sourdant (catcheyes). Dj' a wårdé l' licince pol "twa del cinse Béli"; on pout li stinde a tote li ramexhnêye (il est d' acoird).

--Lucyin (talk) 17:27, 25 July 2020 (UTC)

convincion so les tites

Djusse on ptit messaedje po vs dire ki çou k' vos fjhoz avou les tites ni respectêye nén çou k' on fwait so les ôtes Wikisourds, dj' ô bén avou les cawetes -fel et -mw sorlon l' ortografeye.

El tite del pådje c'est todi l' tite do scrijhaedje (troes tites diferins, troes pådjes) :

• Lès bièsses malades du colora-môrbus′
• Les biesses malådes do colora-môrbusse
• Les biesses malades du Colora-Môrbus

Si l' tite est l' minme, on fwait ene pådje d'omonimeye, et ene pådje pa scrijheu (ratourneu)

• La vatche d’Ofagne (pådje d'omonimeye)
  • La vatche d’Ofagne (Picard) (li mwaisse ouve da Picard)
  • La vatche d’Ofagne (Mahin) (li ratournaedje da Mahin)

• Li vatche d’ Ofagne (nén dins l' pådje d'omonimeye paski l' tite est diferin et nén dandjî d' mete (Mahin) paski gn a k' ene modêye po ç' tite la)

Reptilien.19831209BE1 (talk) 07:20, 14 September 2020 (UTC)

iva

--Lucyin (talk) 16:08, 14 September 2020 (UTC)

« pont d' espåce dirî l' apostrofe dins les vîs scrijhaedjes »

mins... i nd a toplin dins l' facsimilè, divant ene cossoune, loukîz vos-minme sol pådje ki shût, lene 11 on lét « l’ banquî » :

Reptilien.19831209BE1 (talk) 11:38, 21 September 2020 (UTC)

Oyi, vos avoz råjhon pol tecse lu-minme. Mins pol tite, e grandès letes, dji croe ki c' est la djusse èn espåce come inte deus letes aplakêyes (waitîz l' espåce k' i gn a inte "li" & "sav'tî", deus côps pus lådje).

Po l' tecse lu-minme, dandjreus k' les eplaideus SLLW kimincént ddja a shuve li rîle d' èn espåce divant cossoune. A vos d' vey cwè fé pol tite.

L' abitude di n' mete nol espåce après l' apostrofe (come e francès) esteut coriante. Dj' a dvant mes ouys li tite da Horace Piérard LI LEUP ET L'TCHÉN (grandès letes, sins espåce). Et cénk lenes ådzeu: "El leup èt l' tchén" (pititès letes, avou espåce). OU ADON: est ç' ki les imprimreyes did dinltins årént yeu des rujhes po fé tni l' apostrofe divant èn espåce et dirî on grand L ? Ça s' pôreut kécfeye bén (li plomb esteut må tnou et åreut tcheyou) !!!

--Lucyin (talk) 17:11, 21 September 2020 (UTC)

Mi dji n' so seur di rén, mins çou ki dj' pou dire :

• dins l' tecse lu-minme, gn a èn espåce
• dins l' tåve des matires, gn a èn espåce
• MINS dins l' live ki rashonne ses ouves, on voet aiwdirotchmint ki gn a pont d' espåce
• et come vos l' dijhoz, dins l' tite e grandès letes, on n' voet nén vormint d' espåce

On va don l' leyî sins espåce, et dji va mete ci dvisaedje ci sol pådje di l' indek. Reptilien.19831209BE1 (talk) 05:54, 22 September 2020 (UTC)

Les biesses malådes del pesse (Kirsch)

… Kirsch u Mahin, si c' est on rfondaedje ;-)

So les pådjes des oteurs (Author:Antoine Kirsch), on n' mete ki les scrijhaedjes dås oteurs, nén les ratournaedjes u rortografiaedjes fé pa d' otès djins. Adon, vos rortografiaedjes sont-st a mete so vosse pådje Author:Lucyin Mahin.

Reptilien.19831209BE1 (talk) 15:27, 29 September 2020 (UTC)

iva.

--Lucyin (talk) 10:47, 30 September 2020 (UTC)

Aurin’t-èles ène ame, les viyès maisos ?

On risse di s' fé taper so les doets ! Si Jules Sottiaux est moirt e 1953, on divreut ratinde 2024 po mete ses scrijhaedjes (1935+70 = 2023 => 1î djanvî 2024). Dji va fé come si dji n'aveu rén veyou, on voerè bén... Reptilien.19831209BE1 (talk) 09:48, 17 October 2020 (UTC)

Oyi, dji sai bén. Vos av råjhon, mins 3 ans et troes moes sont si rade passés. Ci serè ene cråne anêye si vos vloz recråxhî li Wikisourd: Jean Wisimus (Des rôzes et des spenes) Edmond Wartique (Les croes dins les brouwires, Dierins contes).

E-n atindant, on pout riscaner do Nicolas Trokart tant k' on vout. Loukîz eto so El guere 14-18 dins les belès-letes e walon (antolodjeye). N a kécfeye des sacwès a prinde.

--Lucyin (talk) 12:08, 17 October 2020 (UTC)

Paskêye so l’élècsion di Monseû d’Audace

Dji vs a metou l' facsimilè vaici, mins dji voe k' l' ortografeye n' est nén l' minme : Paskêye ≠ Pasquêye, dji n' sai si c' est ene ôte modêye... Reptilien.19831209BE1 (talk) 19:13, 23 October 2020 (UTC)

Nonna, c' est cisse-lale; l' abitude des "k", copurade c' est on "k" dins l' mwaisse modêye (paskaie).

--Lucyin (talk) 20:33, 24 October 2020 (UTC)

Li pantalon trawé (Piron)

Dj' a rprins l' tecse divins l' live da Maurice Piron pol l' mete vaici, mins dji voe kel ci ki vs av metou la n' est nén l' minme : Côsaques ≠ cozakes. Sereut c' ene ôte modêye, li cene k' on trouve divins li ptite antolodjeye lidjwesse (dji nel a nén co) ? Reptilien.19831209BE1 (talk) 19:23, 6 November 2020 (UTC)

Oyi, ça a l' air di vni did la: Vis sov'nez-ve bin (Delbouille, pitite antolodjeye lidjwesse, ki dj' aveu hapé l' tecse dedja rtapé so ene waibe-pådje) <> Vis sov'nez-v’ bin (Piron).

Metroz les deus so Wikisourd ?

Djel freu bén riscaner tote li ptite antolodjeye lidjwesse (c' est cåzu tos scrijhaedjes foû abondroets).

Tot cåzant di sfwaits scrijhaedjes, foû abondroets, end a eto sol Lire måmdiyinne (copeye aberwetåve), et dins 250 sicrijheus (15 oteurs). Dj' a ossu deus lives da Hinri Simon å scanaedje.

--Lucyin (talk) 20:02, 7 November 2020 (UTC)

Li ctapé manaedje

Bondjoû Lucyin,
Estoz-vos d' acoird si dji mete èç tecse da Henry Forir sol Wikisourd ? I date d' 1836, don i n' divreut nén awè d' rujhe avou les abondroets. I gn a eto ene sôre di rfondaedje lidjwès padzeu l' tecse oridjinå ki date d' 1994. Po c' dierin, ç' est pus malåjhey rwaitant les abondroets, do côp dji va nén l' eplaidî ecsepté si vos m' acertinez k' on pout l' fé.
Amiståvmint,

--Èl-Gueuye-Noere (talk) 10:17, 19 November 2020 (UTC)

Oyi, taiss.

Por mi, c' est l' mwaisse copeye ki conte po les abondroets. Tolminme kî el pout rmete e Feller-Haust, Feller-Francård…, rifondou walon. Ci n'est nén come on ratournaedje dins on lingaedje etrindjir.

--Lucyin (talk) 12:00, 19 November 2020 (UTC)

Letes da Sint-På ås djins d' Corinte

Bondjoû Lucyin,
Dj' a léjhou ene mitan des letes da Sint-På yet dj' a rmarké ki gn' a co pont d' versyion e rfondou. Pou-dju fé l' ritranscrijhaedje ?
Amiståvmint, --Èl-Gueuye-Noere (talk) 15:25, 21 November 2020 (UTC)

Taiss k' oyi; ci sereut foirt plaijhant.

--Lucyin (talk) 11:43, 22 November 2020 (UTC)

Wikisourd e walon, c' est (surmint) po bénrade !

@ Èl-Gueuye-Noere et Srtxg

Djusse on ptit messaedje raddimint po vs dire ki dins 7 djoûs nos sårans cwè. Gn a pus k' a croejhler les doets, mins por mi ça sint bon ! Reptilien.19831209BE1 (talk) 10:31, 30 November 2020 (UTC)

Binåjhe (come ene poye k' a trové on vier) di sawè ki ça s' anonce bén. Ploz fé on ptit mot pol Rantoele (dj' a co on tîce del pådje 21), udon on ratind li l° 97 po fé tot ene pådje avou priyaedje a tos les scrijheus et eritîs di scrijheus a mete la leus tecses.

--Lucyin (talk) 11:57, 30 November 2020 (UTC)

Djè croe ki rastinde ene mitan po vir si ns estans co ossu actif ki padvant l' dimande. Sayans d' esse prezint li pus possibe, tos les cwates. @Reptilien si vs avoz dandjî d' ene sacwè dismetant, dji so rola.

--Èl-Gueuye-Noere (talk) 13:43, 30 November 2020 (UTC)

Si les statistikes d' activité acontrént tos les ovraedjes e walon, dj' ô bén, les cenes sol wikisourd multi-lingaedje, eyet les cenes sol wikisourd e francès (po l' ovraedje so les motîs), dji croe ki ça sereut bon.

Mins dji n' sai nén (et dji pinsreut purade ki c' est nén l' cas) si on ls aconte.

Çou ki pôreut esse bén, c' est d' mete sol mwaisse pådje do wikisourd, ene seccion po mete e-n avant l' live a-z ovrer pol moumint.

Asteure end a tot plin ki n' sont nén co finis (ou minme dedja cmincîs), k' on n' sai nén cwè tchoezi

--Srtxg (talk) 09:12, 1 December 2020 (UTC)

@Pablo, s' i vos vloz, vos ploz rwaitî si tot est comifåt e cist ovraedje. E-n efet, cwand ene sakî eplaide ene sacwè, li tecse doet yesse coridjî på deus djins po awè li "facsimile vete" (dj' ô bén : po dire k' elle a stî coridjêye deus côps yet k' ç' est l' definitive modêye). Çoula n' sereut nén lon. ;-)

--Èl-Gueuye-Noere (talk) 14:35, 2 December 2020 (UTC)

@ Èl-Gueuye-Noere et Srtxg

Li pordjet est accepté ! C' est noyé dvant l' eure. Reptilien.19831209BE1 (talk) 13:38, 4 December 2020 (UTC)

@ Reptilien.19831209BE1 Clapant! Djè so bén binåjhe. Cmint va s' fé li toûnrece etur èl "International Wikisource" yet nosse Wikisourd ?

--Èl-Gueuye-Noere (talk) 14:54, 4 December 2020 (UTC)

@ Èl-Gueuye-Noere et Srtxg

Wikisourd e walon va esse metou so les fis ådjourdu inte 13:00-15:00 UTC (14-16 eures e l' Beldjike) phab:T269431. Sayîz di n' rén eredjistrer vaici sol tins do bagaedje, po k' les robots polexhe fé leu bouye sins aroke. Merci bén camarådes ! Reptilien.19831209BE1 (talk) 10:37, 15 December 2020 (UTC)

Oufti, dins ene grosse eure !!! Et mi k' a scrît 16 di decimbe so l' oû k' nosse poye a ponou å matén !!! La åk di clapant !!! A bénrade, dabôrd, so wa.wikisourd (?)

--Lucyin (talk) 11:34, 15 December 2020 (UTC)

Gn a rén k' a candji !!! Gn a yeu des eguegnes?

--Lucyin (talk) 18:49, 15 December 2020 (UTC)

Ça prind pus d' tins k' anoncî, gn aveut 5 wikis a mete so pî, si serè pol nute pinse dju ! Reptilien.19831209BE1 (talk) 21:04, 15 December 2020 (UTC)

I gn' a ene flotche sol mwaisse pådje. (Waloon => Walloon) Dji l' a nén rcoridjî, veyånmint k' vos estoz etrin d' bouter dzeu. ;-)

--Èl-Gueuye-Noere (talk) 23:22, 15 December 2020 (UTC)

C'est ene flotche des manadjeus. I n' fåt rén fé (u rcoridjî) låvå pol moumint, come li bagaedje n' est nén co fwait et k' i manke co l' espåce di lomaedje Oteur. Dji vs dirè cwand nos pôrans bouter dsu. Reptilien.19831209BE1 (talk) 09:36, 16 December 2020 (UTC)

@Lucyin : dj' åreu bén dandjî vosse vote vaici po poleur mete d' adrame sacwantès ptitès sacwès sol tot novea Wikisourd, merci bén. Reptilien.19831209BE1 (talk) 21:16, 16 December 2020 (UTC)

Categoreyes

Djusse on ptit messaedje al va rade po vos dmander di n' rén fé pol moumint so les categoreyes, come i gn årè sacwantès ptits candjmints otomatikes po deus troes djoûs... Merci bén :-) Reptilien.19831209BE1 (copene) 17 di decimbe 2020 a 17:08 (UTC)

iva!

--Lucyin (copene) 17 di decimbe 2020 a 17:13 (UTC)

Jules Vigneron

Did wice vént l' tecse Adjeu Saint-Nicolas, paski li scrijhadje oridjinå n' est nén l' minme ? Reptilien.19831209BE1 (copene) 18 di decimbe 2020 a 14:31 (UTC)

d' èn emilaedje di 1998 Subject:
Adjeu Saint-Nicolas
Date: Mon, 16 Mar 1998 18:20:51 +0100
From: Daniel Sotiaux <walbru.tunis<AROBAZE>gnet.tn>
Organization: Communauté française de Belgique
To: lucyin<AROBAZE>open.net.ma
Le texte est de J. VIGNERON (un grand oncle).
Je possède pas mal d'inédits. (fén d' riscrijhaedje).

Dji n' a måy sitî e hant avou lu paraprès.

--Lucyin (copene) 18 di decimbe 2020 a 14:41 (UTC)

Dji va sayî d' l' atôtchî pa mail. On voerè bén... Reptilien.19831209BE1 (copene) 18 di decimbe 2020 a 16:32 (UTC)

La 22 ans !!! Les emilreyes ont veyou passer bråmint d' aiwe dizo les ponts. Motoit mî cweri avou des djins del "Kiminålté", poy k' i boutéve por zels, e l' Tunizeye. Èn sayrîz nén avou nost Osman? (charmarke.osmanomar@cfwb.be)?

Si ça sereut del famile da Jules Sottiaux, i nos pôreut motoit rtrover li roman "Walla". Dj' a ddja dmandé a m' bea-fré di Montniye-Tiyoû di cachî après, mins...

--Lucyin (copene) 18 di decimbe 2020 a 17:46 (UTC)

So l’ kèsse dè ramessèdje

Pocwè çk' el tecse k' on trouve la n' est nén l' minme kel ci ki gn a divins l' Rantoele 94 ? S' on dit a nos lijheus kel tecse vént del Rantoele, adon el fåt mete come il a stî eplaidi dins l' Rantoele, voz creyoz nén ?

Wikisourd

Li Rantoele 94

Dj’a bin ri tot léhant vosse tècse… Dji v’ raconte li meune : È 1964 dji m’ racrèhe di mi m’ prumîr èfant, c’èsteût al clinique St Djôzèf à Lîdje (mins asteûre, è-st-èvôye å « Mont Légia »)… Treûs djoûs pus tård, come vos l’ dihez vos-minme, on m’ dit qu’i fåt batizer l’èfant po qu’i n’ våye nin è l’infér. Tchance èt tot aveût ine tchapèle å d’vins dèl clinique. Mi, dj’èsteû todi è m’ lét adon tote li famile a stu batizer l’èfant såf mi  ! Deûs-ans pus tård, dji m’ racrèhe di m’ deûzinme fi, mins la c’èsteût al clinique Notru Dame à Hèrmale/Ardjintê èt la, on n’ voléve pus batizer l’èfant, faléve raler è l’èglîse dè viyèdje (todi Hèrmale). Bon, nos rintrans, l’èfant èt mi è nosse mohone èt la, dji vous aller trover l’ curé po fé batizer l’èfant mins… ça n’aléve nin tot seû, i m’ faléve po k’mincî fé mès « relevailles » bon qu’ dj’èsteût « an état de péché ! » adon c’èst çou qu’ dj’a fêt po poleûr fé batizer mi fi !! Mins ci n’èst nin tot. Co deûs-ans après, vola on p’tit fré qu’arive èt la, miråke, nos-avîs candjî d’ curé èt cila n’m’a rin d’mandé, il a btizé mi-èfant tot dreût !!! Vola tote l’istwére di m’ famile… Crèyez-me si vos l’ volez ?

Dj’a bin rî tot léhant vosse tècse (p. 17 del Rantoele 93). Dji v’ raconte li meune : È 1964 dji m’ racrèhe di mi m’ prumîr èfant. C’èsteût al clinique St Djôzèf à Lîdje — mins asteûre, è-st-èvôye å « Mont Légia »). Treûs djoûs pus tård, — come vos l’ dihez vos-minme —, on m’ dit qu’i fåt batizer l’èfant po qu’i n’ våye nin è l’infér. Tchance èt tot, aveût ine tchapèle å d’vins dèl clinique. Mi, dj’èsteû todi è m’ lét. Adon tote li famile a stu batizer l’èfant såf mi ! Deûs-ans pus tård, dji m’ racrèhe di m’ deûzinme fi. Mins la c’èsteût al clinique Notru-Dame à Hèrmle/Ardjintê èt la, on n’ voléve pus batizer l’èfant, faléve raler è l’èglîse dè viyèdje (todi Hèrmåle). Bon, nos rintrans, l’èfant èt mi è nosse mohone èt la, dji vous aller trover l’ curé po fé batizer l’èfant mins… ça n’aléve nin tot seû. I m’ faléve, po k’mincî fé m’ ramessèdje, bon qu’ dj’èsteû « en état de péché ! ». Adon c’èst çou qu’ dj’a fêt po poleûr fé batizer mi fi ! Mins ci n’èst nin tot. Co deûs ans après, vola on p’tit fré qu’arive èt la, miråke ! — nos-avîs candjî d’ curé èt ci-la n’ m’a rin d’mandé, il a btizé mi efant tot dreût. Vola tote l’istwére di m’ famile. Crèyez-me si vos l’ volez.

Reptilien.19831209BE1 (copene) 20 d' decimbe 2020 a 17:32 (UTC)

Come vos vloz, mins gn a waire d' adire. Dji croe k' dj' a rcopyî li mwaisse evoyaedje et nén li tecse Rantoele. (passaedje "(p. 17 del Rantoele 93).")

Avou ça k' i fåreut co rcoridjî "il a btizé mi efant tot dreût." => il a batizé mi efant tot dreût.

Fijhoz po on mî.

--Lucyin (copene) 24 di decimbe 2020 a 11:08 (UTC)

Li mî c' est d' shuve li facsimilè, paski li mwaisse evoyaedje i gn a k' vos kel avoz. Reptilien.19831209BE1 (copene) 29 di decimbe 2020 a 10:16 (UTC)

L’ arpagon eyet l’ savtî (da Lucyin) et L' arpagon eyet l' savtî (da Pablo) e rfondou walon

eto @Srtxg :

Come dji n' sai nén si vs avoz léjhou li ptit corwaitaedje da Pablo sol Wiccionaire, dji vos lai on ptit messaedje vaici. Porîz vey çoula avou lu po sawè cwè fé so Wikisourd ? Gråces. Reptilien.19831209BE1 (copene) 29 di decimbe 2020 a 10:05 (UTC)

dji waite a ça spepieuzmint al nute.

--Lucyin (copene) 29 di decimbe 2020 a 15:08 (UTC)

Rilomaedje di Dêrènes Bates

Bondjoû, dji voe ki vs avoz rlomé l' pådje Dêrènes Bates → Dêrènès Bates. Est çki c' est Djåke ki vs a dmandé del candjî ? Dji dmande çoula paski l' PDF ki Djåke m' a-st evoyî a come tite Dêrènes Bates. Reptilien.19831209BE1 (copene) 29 di decimbe 2020 a 19:10 (UTC)

Dji l' a motoit rcandjî... sins lyi dmander di rcandjî, mins i l' frè, ca c' est ene flotche di croejhete (ene bate). Dji lyi va scrire.

--Lucyin (copene) 29 di decimbe 2020 a 19:13 (UTC)

A to les inocints

Eyou çki vs avoz trové ciste imådje la ? Reptilien.19831209BE1 (copene) 5 di djanvî 2021 a 13:51 (UTC)

C' est mi ki l' a metou sol les Cmons e 2015, a pårti d' on messaedje k' a tourné so les fyis (por mi d' on scrijheu ki n' s' a nén fwait cnoxhe, po n' nén esse traitî d' barakî). Surmint nén on ricnoxhou scrijheu, ca adon, il åreut yeu ortografyî e Feller-Haust.

--Lucyin (copene) 5 di djanvî 2021 a 18:24 (UTC)

Nosse walon è tod’min.me do l’avenir

Porîz nos dire cwè sol sourdant, sol pådje di copene ? Reptilien.19831209BE1 (copene) 11 di djanvî 2021 a 09:35 (UTC)

vî elemint HTML

Djusse on ptit messaedje po vos dmander di n' pus eployî l' vî elemint HTML <center></center> pask' i dene des arokes dins l' programe Mediawiki. Eployîz al plaece {{c|bla bla}}, egzimpe :

bla bla
bla bla bla bla
bla bla
bla bla bla bla

Merci. Reptilien.19831209BE1 (copene) 11 di djanvî 2021 a 15:05 (UTC)

Bén rçû !

--Lucyin (copene) 13 di djanvî 2021 a 13:12 (UTC)

li boird di coleur, çou n' esteut k' po l' egzimpe so vosse pådje di copene, i ndè fåt nén divins l' mwaisse espåce. Reptilien.19831209BE1 (copene) 23 d' djanvî 2021 a 12:32 (UTC)

Boliveye, èn egzimpe pol tuzance walone ?

Loukîz a : Copene:Boliveye, èn egzimpe pol tuzance walone ? Reptilien.19831209BE1 (copene) 13 di djanvî 2021 a 07:38 (UTC)

respondou låvå.

--Lucyin (copene) 13 di djanvî 2021 a 13:13 (UTC)

Jules Tits

c:File:Tits Jules arimé tchapele sinte Madlinne.jpg

Porîz nos dire on ptit mot so Jules Tits ? pask' Èl-Gueuye-Noere a disfacé l' pådje so Wikipedia : w:Jules Tits. Reptilien.19831209BE1 (copene) 15 di djanvî 2021 a 16:29 (UTC)

Oyi, ci sereut motoit mî del mete djusse roci, pol moumint, come Daniel Marchal (il a dpus d'90 ans, et i n' est nén on scrijheu k' a publiyî dins des gazetes). Dj' a co on bea tecse eredjistré da lu (so s' prumî djoû e scole, pol Rantoele 99) et kékes videyos. Jules Tits. On pôrè rfé ene pådje Wiki cwand on årè metou onk u deus tecses sol Rantoele.

--Lucyin (copene) 15 di djanvî 2021 a 19:13 (UTC)

Dji lyi a rfwait s' pådje Wiki, avou des dnêyes eciclopedikes (divant, c' esteut des tecses k' avént dandjreus stî metous la pa Djåke Desmet, ki n' mwaistrijhe nén co l' eplaidaedje so les wikis). Dji croe ki Gueuye-Noere les aveut rmetou so Wikinoveles, ey asteure dj' els a rtipé so Wikisourd.

Vos lyi ploz fé ene pådje Wikidata (dji n' sai si djel pou fé mi-minme et kimint). Po s' date di skepiaedje, dimandez a Djåke Desmet k' i lyi dmande.

--Lucyin (copene) 16 di djanvî 2021 a 12:48 (UTC)

Asteme !

Bondjoû,

Mete divins l' mwaisse espåces des tecses come Marouf et Tchoutchou u co Li Sint-Nicolai di m’ djonne tins, sins sourdant, sins tite, sins oteur, pol dire ôtrumint des scrijhaedjes k' on n' sait minme nén c' est cwè et d' eyou çk' i vegnnut, çou n' est nén foirt serieus et waire acceptåve sorlon les rîles do pordjet ! Dji vou bén k' on mete des scrijhaedjes ki n' ont nén stî eplaidîs so papî (so les ôtes Wikisourd i serént disfacés sins balzinaedje) mins i fåt tot l' moens mete li pus di rascegnes possûles. Sins çoula, dji serè-st oblidjî d' elzès difacer. Çou n' est nén mi ki fwai les rîles des pordjets Wikimedia, dji nelzès fwai ki shûve... Reptilien.19831209BE1 (copene) 22 d' djanvî 2021 a 11:12 (UTC)

Si dj' comprin bén, c' est des tecses da Daniel Marchal (måy eplaidîs) ki vs avoz rfondou, c' est bén ça ? Si fi, Willy Marchal, est d' acroird po lzès mete so Wikisourd ? Reptilien.19831209BE1 (copene) 22 d' djanvî 2021 a 11:57 (UTC)

Oyi, c' est çoula; dji n' a nén yeu l' tins d' fini les tiestires. Dji vén d' lyi emiler por lu rcopyî les mwaissès modêyes come si pa les a scrît. Dji l' a fwait po Angèle, mi femme est voss’ mouman, mins c' est ene ovraedje ki l' diåle n' åreut nén volou fé. Willy m' a scrît k' il esteut foirt binåjhe. "Merci Lucyin ! Ca m’a fé fwâr pléji. One boune an.nèye . Willy".
Ritripaedje Dj' a rcopyî tot çki dj' aveu vaici https://wa.wikisource.org/wiki/Oteur:Daniel_Marchal. I nos fåreut ene foto di vosse pere, si vos nd avoz. Si vos avoz l' tins et l' coraedje, pôrîz rtaper les tecses COME I LES A SCRîT ? (fén d' ridjhaedje).

Dji m' va rmete les tiestires.

--Lucyin (copene) 22 d' djanvî 2021 a 12:18 (UTC)

Li veye k’ eva

Dj' a candjî l' date et mete 2021 (nén 2020) come ça a stî scrît e djanvî. Dj' a eto rsaetchî l' note Wikisourd pol felerijhaedje et rifondaedje, come ele ni valeut ki pol mwaisse modêye (dj' ô bén ki les deus rortografiaedjes n' ont nén stî « Sicrît li 25 di djanvî, dins l’ oto sol voye di Demnate ås Ayites […] » mins bén li 6 di fév. 2021 so Wikisourd). Vos m' diroz si dj' les pou-st edjaler ? Reptilien.19831209BE1 (copene) 6 di fevrî 2021 a 22:31 (UTC)

Oyi, vos l' ploz asclawer (dji vén d' fé les dierins candjmints).

--Lucyin (copene) 7 di fevrî 2021 a 16:59 (UTC)

Oûves da Richard Joelants

Si dj' comprind bén, Richard Joelants vos a evoyî pa-z emile Di c’ timps là, divins s'-n ortografeye, et vos l' av eplaidî divins Li Rantoele dizo l' tite Glots efants : elzî fåreut i ene boune guere ? Li modêye divins l' ortografeye da Joelants n' a måy sitî eplaidî so papî ? Reptilien.19831209BE1 (copene) 20 d' fevrî 2021 a 19:24 (UTC)

Djusse Ogusse !

Nonna ! Por mi, Ritchåd n' a pus rén eplaidî so papî dispu l' fén di "Intrez don" (2006), såf sol Rantoele et so Singulîs (mins rén dins les gazetes d' après Lidje). Les tecses publiyîs sol Rantoele ont stî scrîts po-z esse metous sol Rantoele e rfondou. L' idêye da Joelants : dji n' mi såreu mete å rfondou a mi ådje, mins c' est l' seu moyén di schaper l' walon. (Bastogne, bate di ratournaedje francès-walon del federåcion do Lussimbork, la k' il aveut fwait prumî, 2013 ?; li citåcion est dins ene des Rantoele d' adon).

--Lucyin (copene) 20 d' fevrî 2021 a 19:53 (UTC)

Aberwetez lu l(i)

Vinoz dire vaici s' el fåt ricandjî. Reptilien.19831209BE1 (copene) 26 di fevrî 2021 a 07:31 (UTC)

Li passeû d’êwe

kî çk' a scrît ci modêye la e Feller ? Çou n' est nén Vrindts todi : li mwaisse modêye est vaici. Reptilien.19831209BE1 (copene) 27 di fevrî 2021 a 12:40 (UTC)

dins l' grosse Antolodjeye Piron => Maurice Piron.

--Lucyin (copene) 27 di fevrî 2021 a 16:27 (UTC)

Gn a tolminme bén des diferinces ! Li Feller-Vrindts, c' est do Feller-Feller-Haust. Li Feller Piron, c' est purade do Feller-Remacle, avou ristitchaedje des halcrosses E (toketer), et uzaedje do pont sol roye (djon.nès), ene edvincion Louwis Rmåke.

--Lucyin (copene) 27 di fevrî 2021 a 16:53 (UTC)

Nole impôrtance po Wikisourd, deus eplaidaedjes diferins, adon deus pådes diferinnes. Et minme si Vrindts a-st eplaidî 10 côps s’-n ouve divins 10 eplaidaedjes, on les pout mete tertos, minme si gn a k' ene virgule ki candje (u minme nén). Dj' a rmetou les pådjes d' adrame. : omonimeye + ene pådje po tchaeke eplaidaedje. Djusse, li modele {{modeyes}} ni s' eploye nén divins l' espåce pådje. Reptilien.19831209BE1 (copene) 27 di fevrî 2021 a 17:08 (UTC)

A, dji croe comprinde çou k' vos vlîz dire... dj' a l' eplaidaedje da Piron dvins les ouys, et li ci k' on trouve vaici n' est nén l' ci da Piron (djonnès ≠ djon.nès ; tocter ≠ toketer, evnd.), mins adon, d' eyou çk' i vént ? Come c' est vos kel a radjouté vos l' divrîz sawè, neni ? Reptilien.19831209BE1 (copene) 27 di fevrî 2021 a 17:27 (UTC)

Di l' antolodjeye eplaideye cial so les fyis. Motoit ki li scaneu (DJohan Viroux ?) a rmetou ene paltêye di scrijhas da sinne.

--Lucyin (copene) 1î d' måss 2021 a 15:50 (UTC)

Aline

Bondjoû, djusse on ptit messaedje po-z anoncî ki dj' va diveur disfacer ces deus tecses la. Sorlon l’årtike XI.165, do Côde bedje do droet economike, i fåt l' otorijhaedje di l' oteur u des eritîs po poleur eplaidî on redjårbaedje (come po on ratournaedje). Si vs avoz yeu l' acoird des eritîs do tchanteu Christophe, adon evoyîz ene copeye al Soce Wikimedia, djelzès rmetrè a leu plaece avou l' tiket OTRS. Reptilien.19831209BE1 (copene) 1î d' måss 2021 a 09:51 (UTC)

Nonna. C' est des ratournaedje "såvaedjes". Gn a rén avou ça.

--Lucyin (copene) 1î d' måss 2021 a 15:46 (UTC)

Cwè çki vos vloz dire pa ratournaedje "såvaedje", ene parodeye ? On est tolminme foirt près di l' oridjinå a kékès sacwès près (k' on pôreut vey come drole). Mins bon, on les va leyî, après tot vos estoz responsåve di çou k' vos eplaidîz. D' èm costé, dji va fé çou k' i fåt po m' diskertchî di tote responsåvisté. Dji n' vôreu nén k' ça m' ertchait so les pîs, i sont fråjhûles. Reptilien.19831209BE1 (copene) 1î d' måss 2021 a 17:23 (UTC)

Li prumî (avou "dj' a tchoûlé tot pelant les agnons") a tourné so l' Etrernete, rimetou e walon pa on "Cristan Pastore" (dandreus on no metou); mi sour mi l' a-st avoyî; li deujhinme a stî fwait (foirt francijhî) pa Edith Godart (li scrijheuse di Cronike d’ ene minêye). Dj' a rmetou ene paltêye so les deus, li prumire po mete so l' Rantoele, li deujhinme po Singuliers.

Dji m' va candjî l' tite, ça n' serè nén si veyåve. Eyet rmete li fén ki mostere li môde "parodeye" so les deus (tot pelant mes agnons).

Mins vos les ploz disfacer si vos pinsez k' ça nos va amoenner des rujhes. Ça n' candjrè wai d' tchoi. Si vos les wårdez, dj' a metou des dmande di "rxhorbaedje" (mî k' disfaçaedje sorlon E.G.) so les pådjes ridjibelreces.

Tén ! c' est li lwè bedje ki s' aplike vaici ? Po les Cmons, c' est li lwè amerikinne.

I nos dmeure Aline da Ramuz, moirt e 1947. Cwand dj' årè tot fwait l' Rantoele 97, dji dmandrè a Jean Germain, k' est maryî avou l' feye do ratourneu, Willy Bal, s' i nos l' pôreut leyî mete cial.

--Lucyin (copene) 1î d' måss 2021 a 20:38 (UTC)

Asteure, dj' a pår racacandjî les deus modêyes (Cwand k’ ti peles ås agnons), et les raloyî, po k' ça soeye on vrai "kitoirdou redjårbaedje" (pastiche). Minme on tribunå (bedje, loukîz les deus afwaires Mimile) el divreut accepter come del libe rirêye. Gn a pupont d' rujhes a rcrinde avou les controleus Wiki, pinse dju.

--Lucyin (copene) 2 d' måss 2021 a 09:44 (UTC)

Kutwârdûyes imaudjes du djins

Dj' a metou l' sicanaedje so les Cmons : cial, vos vloz bén mete çou k' i fåt låvå po dire ki vs estoz d' acoird po mete vo tecse vaila (et vaici do côp) ? Means, {{self|cc-by-sa-4.0}}. Reptilien.19831209BE1 (copene) 12 di måss 2021 a 06:59 (UTC)

Dji voe k' l' ortografeye n' est nén co l' minme... « Waitâ » ≠ « Wêtâ », c' est l' ké li vosse, et l' ci da Léonard ? Reptilien.19831209BE1 (copene) 12 di måss 2021 a 07:07 (UTC)

I gn a co rén vola so les Cmons. Vou dj' evoyî ene permission come les ôtes oteurs? L' eplaidaedje CW, c' est todi Léonard ki nd esteut mwaisse.

Dji waite po vey did dou ki les deus scrijhas vnèt (si dj' a rcopyî so m' papîscrît).

Tins k' on djåze di fitchîs .djvu, dji n' sai ddja kimint çk' on les fwait ? Est ç' åjhey ? Dj' endè pôreu fé avou tos mes papîscrîts.

Co ôte tchoi: dj' a metou des dnêyes privêyes sol pådje di copene då Flipe Antoine. Si vos pinsez k' i les fåt disfacer, fijhoz l'.

--Lucyin (copene) 12 di måss 2021 a 10:28 (UTC)

L' fitchî est asteure so les cmons cial. Si vos metoz l' modele {{self|cc-by-sa-4.0}} vos-minme, dji n' croe nén ki gn a dandjî d' evoyî ene permission, mins si vos vloz, vos l' poloz fé.

Po fé on fitchî DJVU, dji direu ki c' est assez simpe. Vos estoz so Linusse (Linux) ? Mi dj' eploye gscan2pdf. Pocwè ni nén mete purade vos scanaedjes JPG so archive.org, on ndè poreut fé des DJVU a pårti di ces fitchîs la.

Reptilien.19831209BE1 (copene) 12 di måss 2021 a 21:56 (UTC)

Gråces. Dji va waitî a tot ça avou mi informatikî (dji n' a waire d' apriyesse so les waibes foû do Wikipedia).

Li Walonreye et les oujheas

Cwand on n' conoxhe nén l' date di moirt d' èn oteur, i fåt radjouter 120 ans a l' date do dierin eplaidaidje conoxhou. Come Joseph Hens a-st eplaidî Li Lidjwèsse ou Ine fièsse è l’Ardène e 1909  KBR, i nos fåreut ratinde li 1î d' djanvî 2030. Après, dji di ça et dji n' di rén... Reptilien.19831209BE1 (copene) 17 di måss 2021 a 07:38 (UTC)

On l' pout fé mori di s' bele moirt avou l' moyene des djins di ç' djermêye la. 70 ans, c' est bén payî ! ça freut 1937. Martchî bouxhî djus ! Sins rire, dji va dmander a Djôzef Dokir s' i n' è sait rén.

--Lucyin (copene) 17 di måss 2021 a 16:55 (UTC)

Ô djardin

Divizaedje metou vaila.

Bèlès sov’nances di mès èstîs al campagne

Est çki vs avoz ene fotocopeye del gazete, u doe dju l' dimander vaici. Vos djhoz eplaidî e djanvî, mins kéne samwinne ? come c' est ene gazete ki rexheut totes les samwinnes. Reptilien.19831209BE1 (copene) 25 di måss 2021 a 10:11 (UTC)

Dji rcopeye çou k' Djôzef Dokir sicrît. Come i n' respond nén dispu on ptit tins (dj' espere ki ça lyi va todi), si vos vloz bén dmander al gazete, tot sperant k'i respondexhe.

--Lucyin (copene) 26 di måss 2021 a 10:34 (UTC)

Dji va dmander, on voerè bén... Reptilien.19831209BE1 (copene) 26 di måss 2021 a 15:10 (UTC)

Prèmîre lète da Sint Pîre/I ratournaedje da Désiré Malet

Ci ratournaedje la a stî eplaidî ene sadju (so papî) ? Dji nel trouve ki so Berdelaedje. Reptilien.19831209BE1 (copene) 26 di måss 2021 a 08:58 (UTC)

Oyi, cial Cénk_letes_d'_apoisse_e_walon_.

--Lucyin (copene) 26 di måss 2021 a 10:36 (UTC)

A, foirt bén ! C' est l' seu ki dj' n' a nén co atchté (dj' a les deus prumîs). Dji va-st atotchî Jean Hamblenne adon. Merci pol racsegne. Reptilien.19831209BE1 (copene) 26 di måss 2021 a 15:12 (UTC)

Mélin Dè tot v’nant : Sonèts

Eyou çk' i sont les ôtes sicrijhaedjes di c' ramexhnêye la ? Reptilien.19831209BE1 (copene) 26 di måss 2021 a 09:47 (UTC)

Dji n' trouve rén dins mes egurniyaedjes so éndjole. Dji va vey dins les so-papî.

--Lucyin (copene) 26 di måss 2021 a 10:41 (UTC)

Neni ! Rén ! Dji lyi va dmander. Motoit k' il a candjî l' tite.

--Lucyin (copene) 26 di måss 2021 a 10:49 (UTC)

Siya: dj' a l' pdf (dji l' aveu rlomé e walon: xhilteas). El vloz pa emile ? Dji vos l' evoye.

--Lucyin (copene) 26 di måss 2021 a 10:51 (UTC)

Merci bén Lucyin, djel a rçuvou. Reptilien.19831209BE1 (copene) 26 di måss 2021 a 15:15 (UTC)

Li ptite comere avou l’ blanke camizole

Bondjoû, et bounès påkes.

Dins Li ptite comere avou l’ blanke camizole il est dit ki l' modêye e rfondou est båzêye so on rfondaedje ki dj' a fwait e 2005, avou les candjmints k' i gn a-st avou disk' a 2020; mins nerén on î trouve co des "voeyans" ("veyans" e rfondou d' asteure); fwai dj' on rpassaedje po candjî ces ptits bokets ki dmorèt co, oudonbén çou k' est eplaidî cial est "eclawé" ?

--Srtxg (copene) 5 d' avri 2021 a 10:41 (UTC)

Oyi taiss, vos ! Vos ploz rbouter dsu. Dji n' l' a nén raspepyî disca todin et i n' est nén eclawé. Merci bén.

Si vos ploz eto aveuri l' motlî, et rmete les "mancants" dins l' DTW.

--Lucyin (copene) 5 d' avri 2021 a 11:10 (UTC)

I va dabôrd;

(fwait disk' a "C' est seulmint adon k' dj' a cmincî...")

dji mete vaici les mots nén co sol wiccionaire :

• Wikt:cazoupler
• Wikt:foixhete
• Wikt:rampe (voye d' accès ki monte)
• Wikt:sbeulaedje
• Wikt:sbucner
• Wikt:speter
• Wikt:vané
• Wikt:xhorboe

--Srtxg (copene) 5 d' avri 2021 a 13:53 (UTC)

Prèsantåcion du lîve da Bernard Louis : « Fé bètchî l’ coq »

Vey Copene:Prèsantåcion du lîve da Bernard Louis : « Fé bètchî l’ coq ». Reptilien.19831209BE1 (copene) 8 d' avri 2021 a 05:17 (UTC)

Lès p’tits boneûrs

Vey Copene:Lès p’tits boneûrs. Reptilien.19831209BE1 (copene) 8 d' avri 2021 a 09:32 (UTC)

Riscrijhaedje e rfondou del Bibe

Bondjoû Lucyin,
Si vs avoz dandjî d' ene sakî po riscrire sacwants passaedjes del Bibe e rfondou, n' el tchitcer nén a m' el dmander. ;-)
Amiståvmint,
--Èl-Gueuye-Noere (copene) 15 d' avri 2021 a 16:50 (UTC)

A ! I fåt dmander a Jean Hamblenne (jeanhamblenne@ymail.com) ké lete d' apoisse k' i gn a co a ratourner. I serè pår binåjhe.

--Lucyin (copene) 15 d' avri 2021 a 17:05 (UTC)

Cour d’ognon

Come so Wikisourd les pîces di teyåte ni sont nén dispårteyes e sinnes mins e-n akes, dj' a rashonné Cour d’ognon/I.1 et Cour d’ognon/I.2 divins Cour d’ognon/I, evnd. Reptilien.19831209BE1 (copene) 20 d' avri 2021 a 08:05 (UTC)

iva !

Dji l' a fwait riscaner, mins ci n' est nén todi lijhåve. El vloz po sayî d' fé on .djvu? Mins gn årè cwate u cénk pådjes nén eployåves å ricnoxheu d' letes.

--Lucyin (copene) 20 d' avri 2021 a 12:43 (UTC)

Oyi, dj' endè vou bén fé on DJVU si vs m' evoyîz les imådjes. Po les cenes nén lijhåves, gn a rén avou ça, dj' a d' èm costé dimandé (atchté) ene copeye al bibioteke KBR. Djel divreu riçure dins 2-3 samwinnes. Djelzès rcandjrè-st adon. Dji so-st abitouwé a fé des DJVUs, dj' end a co fé onk ayir ki dj' a metou vaila mins eto so archive.org. Dji vén eto d' fini d' sicaner FO94, CO94, C20, et CC1a ki dj' va mete so m' Clould Google po mete sol lodjoe da Pablo (si nd e vout, si gn a co del plaece ?), et dji pinse ki nosse Noere Gueuye serè eto binåjhe d' awè on franwal do Coûtchant (s' i m' vout bén dner s'-n adresse emile). Dji va m' ataker a Di Rimè da Edgar Clerbois, Lingage & askeignance des Fleurs et Plantes wallons da Joseph Vrindts, et après, gros gros tchantî, dji m'atake a E34 pu O0 (3 tomes). Reptilien.19831209BE1 (copene) 20 d' avri 2021 a 15:18 (UTC)

Oyi, dji vou bén ces fitchîs la, c' est todi ahessåve dels aveur ene sawice.

Po E34; dj' a on scanaedje (di cwålité nén foirt boune, ki dj' a fwait mi-minme i gn a lontins) disk' al pådje 335 (disk' a plankèt). Dji n' l' a måy metou so fis, paski dj' pinséve ki c' esteut todi dzo abondroets.

--Srtxg (copene) 20 d' avri 2021 a 15:32 (UTC)

@ Srtxg et vs av råjhon, E34 est co dzo abondroets disk' å 1î d' djanvî 2024. Reptilien.19831209BE1 (copene) 22 d' avri 2021 a 07:07 (UTC)

Bondjoû tertos,

Dj' inmreu bén l' awè. Dj' a d'dja evoyî m'-n' emile a @Reptilien. L' avoz-vs riçou ?

Amiståvmint,

--Èl-Gueuye-Noere (copene) 20 d' avri 2021 a 16:48 (UTC)

Ké trope di djintis ovrîs, mes amisses !!!

Dj' a metou "Cour d' agnon" sol gurnî do lodjoe Pablo, cial https://lucyin.walon.org/guerni/Simon_Hinri_Cour_d'_agnon.pdf El sav aberweter ?

Vos, Pablo, vos ploz mete E34 avou les ôtes walfrans, ciddé: http://lucyin.walon.org/diccionairaedje/wf/E34.pdf (?)

Gråces a tertos.

--Lucyin (copene) 21 d' avri 2021 a 12:55 (UTC)

Emiles 2021 da Lucyin Mahin

Bondjoû Lucyin,

Dji discove cisse pådje la (et ses dzo pådjes), et gn a por mi deus rujhes :

• c' est des messaedjes privés, la k' vos respondants n' ont nén dné leu-z accoird po mete leus responses so Wikisourd ; i fåreut ki tchaeke djin ki vs a scrît evoye s'-n åjhmince a l' soce Wikimedia, çoula po tchaeke response
• c' est des dnêyes ki nolu ni pout aveuri (come c' est privé), çou ki va disonte l' esprit do pordjet

Po ces deus råjhons la, dji m' voe foici delzès disfacer. Reptilien.19831209BE1 (copene) 5 di may 2021 a 05:45 (UTC)

Gn a rén avou ça; l' idêye, c' esteut d' wårder des mots k' aspitèt spontanêymint dins mes responses. Eto d' aveur des modeles di totes sôres d' ortografeye. Mi les ploz rapexhî et revoyî pa emile (so on seu fitchî). Dji n' les a nén tertos rmetou dins mes egurniyaedjes "emiles 2021").

Dji comprind asteure (avou les imådjes a disfacer sol Wiki) k' on n' pout nén eplaidî des letes k' on rçût.

--Lucyin (copene) 5 di may 2021 a 19:12 (UTC)

Bondjoû tertos,

Mande escuze po m' awè enancré dins vos messaedjes.

@ Lucyin : Tot djazant d' emile. Dji vs a evoyî onk rwaitant les etrevéns d' enute

@ Reptilien.19831209BE1 : Dji vs e-n a evoyî ene copeye. L' avoz-vs riçoû ?

Amiståvmint,

--Èl-Gueuye-Noere (copene) 5 di may 2021 a 14:51 (UTC)

Respondou. Mins dji n' comprind nén çou k' c' esteut ces « les etrevéns d' enute » (gn aveut nol atelmint a l' emile).

--Lucyin (copene) 5 di may 2021 a 19:12 (UTC)

Li Tchant des Walons

Bondjoû Lucyin,
Dj' a baguî l' tecse ey el odio do "Tchant des Walons" do Wikipedia viè l' Wikisourd. Mins nerén, dji n' sai nén ki aveut riscrît èç tchanson ci e rfondou ? El savoz-vos ?
P.S. : Sol årtike Wikipedia, dj' a mis li loyén po k' on ritrove èç tchanson ci sol Wikisourd (dj' a fwait l' minme avou l' ratournaedje e francès. Dj' ô bén, mete li loyén pol Wikisourd francès).
Amiståvmint,
--Èl-Gueuye-Noere (copene) 22 d' may 2021 a 13:31 (UTC)

Gn a dipus d' 10 modêyes coinreces. Dji vos les pou evoyî.

Dj' a fwait ene modêye "modiene" k' a yeu l' otorijhaedje des Edicions Herman Bauwer (k' avént co les abondroets pol muzike. Dji vos l' evoye ossu.

E rfondant, gn aveut yeu ene modêye del Tåvlotêye Rifondaedje di l' UCW: tchaeke coplet pa onk d' ene diferinne coine del Walonreye.

Dji n' sai nén kî çk' a rmetou li mwaisse modêye Bovy e rfondou. Ça doet esse Pablo, k' a metou l' tecse sol Wikipedia li 5 di nôvimbe 2003

Come va gn aveur toplin des pådjes avou l' minme tite, fåreut motoit fé ene pådje d' omonimeye. A nonna ! Li mwaisse modêye Bovy va esse Li chant des Wallons (divant Feller). Po les modêyes Feller, motoit Li tchant dès Walons (avou accint so "dès"). Dji loucrè a tot çoula après l' Rantoele 98 (dins 15 djoûs 3 sawminnes).

Po les tiestires e walon: {{tiestire | tite = Li Tchant des Walons | oteur = Théophile Bovy | rortografiaedje = [[Oteur:Pablo Sarachaga|]] | aneye = 1900 }}

So Wikipedia, po revoyî so Wikisourd, gn a on modele:Wks; cial: {{Wks|Li Tchant des Walons}}

Dji rmete li tchantaedje da Souzane e l' tiesse d' årtike. Il est minme riprins a ç' plaece la sol Wiki neyerlandès !!!

--Lucyin (copene) 22 d' may 2021 a 21:39 (UTC)