Wikisourd:Inte di nozôtes

Èn årtike di Wikisource.
Aller à la navigation Aller à la recherche

Administrator and Interface administrator access[candjî]

Lucyin, Èl-Gueuye-Noere and Srtxg :

Come vos l' poloz vey, nos estans sol tot frisse Wikisourd e walon. Gn a co kékès ptitès sacwès k' i n' vont nén, come vaici, et po poleur adramter çoula dj' åreu bén dandjî d' vosse vote po divni manaedjeu et manaedjeu d' eterface. Adon, sins vos foirci bén seur, metez m' on ptit Po = YES / Conte = NO, ci-dzo po les manadjeus so Meta. Merci co traze côps. Reptilien.19831209BE1 (copene) 16 di decimbe 2020 a 15:19 (UTC)

Po Oyi, dji so d' acoird ! // Yes, I totally agree. --Èl-Gueuye-Noere (copene) 16 di decimbe 2020 a 20:54 (UTC)
Èl-Gueuye-Noere, dj' a rmetou l' tecse come il esteut, vos avîz disfacé on boket. Reptilien.19831209BE1 (copene) 16 di decimbe 2020 a 21:06 (UTC)
Po (dji n' a rén trové sol pâdje di meta; do côp dji sopoize li vôtaedje si fwait cial?) - --Srtxg (copene) 17 di decimbe 2020 a 08:01 (UTC)
Po taiss k' åy, don ! --Lucyin (copene) 17 di decimbe 2020 a 15:51 (UTC)

Pâdjes nén baguêyes ?[candjî]

I shonnreut k' les dzo-pâdjes des pâdjes djvu n' âyexhe nén stî copieyes (pol rashiaedje dins ene ôte ortografeye).

Metans, a Li grandiveuse (1899)/I/rif; di fwait si dji va-st a Index:Théophile_Bovy_-_Li_grandiveuse,_1899.djvu, les pâdjes sont la; minas si on waite a estIndex:Théophile_Bovy_-_Li_grandiveuse,_1899.djvu/rif, l' indecse lu-minme î est, mins nén les pâdjes.

Po Indek:H. Forir - Notul so lè bazè skol dè vî tin, 1862 (in BSLLW t.4 p.66-78).djvu/rif ele sont la... li bagaedje est todi ki s' fwait motoit ?

--Srtxg (copene) 17 di decimbe 2020 a 08:10 (UTC)

Merci bén Pablo del aveur rapoirté. Li bagaedje ni s' a fwait ki po les pådjes ki s' trovént divins l' categoreye Walon, c' est po çoula. I nos fåreut dressî ene djivêyes des pådjes ki mancnut u bén lzè mete divins ene ôte categoreye so old Wikisource, dji va dmander cwè fé. Reptilien.19831209BE1 (copene) 17 di decimbe 2020 a 08:25 (UTC)

Mwaisse-manaedjeu[candjî]

Lucyin, Reptilien yet Srtxg :
Bondjoû tertos,
Dj' a rimarké k' i gn' aveut nén co d' mwaisse-manaedjeu enute. Po waeranti li bon rotaedje di nosse novea Wikisourd, i fådreut awè on mwaisse manaedjeu sgondé på on simpe manaedjeu come sol Wiccionaire yet Wikipedia.
Dj' aveu pinsé k' on poreut lomé Reptilien come mwaisse-manaedjeu, mins il est d'dja simpe manaedjeu. Do côp, est-ç' ki gn' åreut on volontaire pol posse låtchî ?
Amiståvmint,
--Èl-Gueuye-Noere (copene) 26 di decimbe 2020 a 21:54 (UTC)

On n' est nén presse d' awè on mwaisse-manaedjeu sol Wiccionaire et so Wikisourd, paski po poleur fé l' dimande i fåt ene kiminålté di ±50 uzeus boutant tos les djoûs, avou 6 (simpes) manadjeus k' ont-st on mandat sins date di fén. Ça n' arivrè måy vaici pinse dju ! Reptilien.19831209BE1 (copene) 26 di decimbe 2020 a 23:07 (UTC)
Les condicions ont candjî do côp, pask' i Lucyin est mwaisse-manaedjeu po todi sol Wikipedia. Damadje, savant k' les mwaisses-manaedjeus ont ene mitan pus d' povwer (povwer lomer des manaedjeus simpes, på egzimpe) ça ns åreut bén stî ahessåve. Sortoit k' nos avans cnoxhou ene dierinne xhiyon d' vandalisse sol Wiccionaire.
--Èl-Gueuye-Noere (copene) 27 di decimbe 2020 a 11:59 (UTC)

Pordjet Melchior[candjî]

Bonswer tertos yet tertotes,
Kinoxhoz-vos l' pordjet Melchior ? C' est on soumint di dnêye avou des tchansons habitueles d' Walonreye eyet di Brussele. On pôreut mete sacwants sol Wikisourd, mins i fåt prinde asteme åzès abondroets (minme si, norålmint, is sont sins droets).
Asteme :

  • Si l' oteur (scrijheu des dijhaedjes) est kinoxhou = anêye di s' moirt + septante-ey-onk anêyes => 1950 + 71 = 2021 (on l' pout eplaidî ki dispoy 2021)
  • Si l' oteur n' est nén kinoxhou = anêye di l' eplaidaedje + cent vint-ey-onk anêyes => 1900 + 121 = 2021 (on l' pout eplaidî ki dispoy 2021)

Amiståvmint,
--Èl-Gueuye-Noere (copene) 27 di may 2021 a 21:09 (UTC)

Administrator and Interface administrator access[candjî]

Lucyin, Èl-Gueuye-Noere et Srtxg :

L' oraedje a passé… Come dji voe bén ki gn a nolu k' a vlou rprinde el plaece di manaedjeu dispu l' djoû k' dj' a yeu m' gros dismorålijhaedje, et k' çoula fwait do toirt å pordjet, dji vou bén, avou vost acoird, erprinde èm plaece di manaedjeu. Dji va prinde sor mi et sayî d' fé po on mî ! Mins, dji vos dmande, s' i vs plait, di bén vleur respecter l' mwaisse rîle do pordjet, dj' ô bén : ni mete so Wikisourd ki des ouves k' ont ddja stî eplaideyes (apus k' les ratournaedjes da lu) et ki sont sins nole dotance dizo libe licince. Si on n' respectêye nén çoula, gn a on risse di vey nosse pordjet shuve el minme voye ki Wikiquote e francès e 2006, k' a dvou esse disfacé paski gn aveut bråmint d' contnou dizo abondroet. Ça sreut foirt damadje, endon ?

Dji pinse eto k' i s' fåreut mete d' acoird so sacwants ptit ponts : come les tites des tecses erfondous, metans Li grandiveuse (rif. Sarachaga), li respet des facsimilès (limite des coridjaedjes), u co l' radjout ds eredjistrumints odios. Ni rovians nén k' so Wikisourd on n' fwait k' riscrire des ouves ki n' sont nén da nosse, on n' les amidere nén, on n' radjoute nén des sacwès k' l' oteur n' åreut ptete nén sohaitî. Çou n' est nén nosse rôle ! Dji dene èn egzimpe ki por mi ni va nén : Jacques Desmet m' a-st evoyî on PDF avou come tite Dêrènes Bates, ki dji n' pou nén mete so les Cmons, pinse dju, mins k' dji va mete dins les nulêyes éndjolikes (cloud) pask' i mel a otorijhî. C' est ene ouve nén co eplaideye et, po tot dire, dji n' esteu nén foirt tchôd pol mete so Wikisourd. Dji l' a tolminme fwait po fé plaijhi (faleut i, ça…), ey ariva çou ki dveut-st ariver, Lucyin l' a rlomé : Dêrènès Bates. Si Desmet a lomé s'-n ouve Dêrènes Bates, pocwè vleur coridjî l' oteur (sins si otorijhaedje) ? Come dit, çou n' est nén nosse rôle so Wikisourd. Mins çou n' est nén l' boune plaece po djåzer d' tot çoula. Esse manadjeu c' est foirt scrandixhant et ça magne do tins, mins ça vos l' savoz. Si dj' so manaedjeu çou n' est nén po fé come dji (Reptiyin) vou mins come nos avans tertos decidé, shuvant des rîles dedja decidêyes so ls ôtes Wikisourds dispu des ans, u d' ôtes k' i nos va faleur sicrire eshonne. Dji n' sai nén s' i fåt esse ossu strik/deur kel Wikisourd e-n almand, la ewou ç' k' on n' pout rén mete si gn a pont d' facsimilè, motoit nén, mins dji pinse k' on n' pout nén tot permete nerén. C' est d' tot çoula k' i nos va faleur diviser.

Adon, dji vos dmande : dins ces condicions ci, voloz porshure l' avinteure avou mi ? Reptilien.19831209BE1 (copene) 31 d' awousse 2021 a 09:57 (UTC)

Po Oyi, taiss !!! Dji po percé contin ki vos ratakez. Bén noté k' on n' pout nén rcandjî l' ortografeye d' on tite. Mins po dierins bates, dji croe ki Djåke esteut d' acoird. On lyi pout ridmander d' el mete noer so blanc, s'i fåt.
On pout fé ene lisse des pådjes la k' i fåreut motoit dimander ene permission noer so blanc. Decider eto si l' åjhmince des rvuwes ki scrijhèt clairmint k' on pout rprinde leus tecses (Li Rantoele, Djåzans walon, Intrez don) est acceptåve come "permission Wikissourd". Ossu po Coutcouloudjoû (prodjet fré del Rantoele, pa cåzu les minmès djins). Gn a eto les tecses di des ôtes pordjets da minne (on nd a nén co cåzé): li "Gazete do Rasgoutadje des Bassårdinreces (1995-1997), li raploû di Rdû di 1997 (tites so Oteur:Jean-Claude Somja; li Calindrî walon (1998-2000).
Dj' esteu foirt enondé po mete des fitchîs odio et videyo a l' adroet des tecses. Mins si "ça n' si fwait nén", gn a rén avou ça. On les pout mete sol pådje di l' oteur so Wikipedia, u so l' Aberteke.
--Lucyin (copene) 3 d' setimbe 2021 a 21:51 (UTC)
Binamé tertos,
« Come dji voe bén ki gn a nolu k' a vlou rprinde el plaece di manaedjeu [...] » : po-z esse oniesse dji n’ el såreu nén l’ fé. Come d’ efet, dji so d’dja on ptit-manaedjeu sol Wikipedia. Çki m’ dene ddja bråmint d’ ovraedjes. Les fitchîs ki dji doet lijhî, les årmonaks ki dji doe co fé eyet k’ les uzeus normås polnut nén candjî, li tchesse åzès vandalisses ki ci soeye asteure ; a l’ avni ; virpus ey evintuwelmint so les viyès padjes, sins conter mes djermons eyet båtchs a savlon ki dji doe amidrer pitchote a midjote et tchik et tchak. Houte di çoula, dji doe co tuzer a m’ vicance foû d’ Wikimedia. Djans k’ el tins mi manke bén. Avou ça dji n’ pinse nén awè el sepiance tecnike pol Wikissourd. Po dire li veur, dj’ a ddja målåjhey a coridjî les cognes des pådjes come po les cis des fåves da Léon Bernus
« Dji pinse eto k' i s' fåreut mete d' acoird so sacwants ptit ponts : come les tites des tecses erfondous [...] » : ns avans l’ minme rujhe sol Wikipedia. På egzimpe, gn a toplin des ouves scrit avou l’ sistinme Feller wice k’ el tite est eto scrit avou ci minme ortografeye cial. Totfeye, les tites sol Wikipedia ont stî rfondous. Sorlon mi, çoula n’ va nén. Dj’ ô bén k’ on doet warder el tite oridjinå. Cial èn egzimpe ki dj’ a coridjî eyet ki rwaiteut ossu Jacques Desmet. Ene ôte aroke, c’ est k’ on s’ pout fé taper so les doets. Metans, pa les cis ki sont ddja conte li rfondou k’ est l’ ortografeye uzêye på Wikipedia walon-cåzant. Do côp, metans cist ouve la. On duvreut rcandjî l’ tite di l’ årtike (‘’’Les djoûs racourtixhnut’’’) k’ est on riscrijhaedje e rfondou viè l’ scrijhaedje oridjinå do tite (‘’’Lès djoûs racoûtichenut’’’). N’ fåt nén rovyî k’ on doet awè ene certinne clairisté ([FR] transparence) avou nos fijhaedjes.
Tot rwaitant les rîles po roci. Dji n’ sai nén co comint on lzès poreut (ri)fé eshonne.
El dierin côp ki dj’ a rwaitî so l’ Meta, dji n’ aveu nén co veyou vosse candidateure. Padvant, dji vodreu bén sawè si vos vloz esse manaedjeu paski vos l’ voloz. Ubén paski vos v’ sintoz oblidjî d’ el fé. Dji croe todi ki ça sereut mî ; do moens, si on-z el pout ; d' awè deus manaedjeus come so les ôtes pordjets walon-cåzants. Dj' el aveu atåvlé e moes di decimbe. Come dj' el a scrit padzeu, dji n' so nén "l' ome di l' estance".
Amiståvmint,
--Èl-Gueuye-Noere (Ene sacwè ? => Dijhoz-m' el !) 3 d' setimbe 2021 a 23:47 (UTC)
Dj' a rovyî d' lomer deus ôtes uzeus ki dji voe sovint so les pordjets walon-cåzants : @Djôr eyet @Souzane. --Èl-Gueuye-Noere (Ene sacwè ? => Dijhoz-m' el !) 3 d' setimbe 2021 a 23:50 (UTC)
@Sam’ : come dit, çou n' est nén l' boune plaece po djåzer des ptits ponts a s' decider po Wikisourd, adon, pol moumint, dji n' vos va responde k' åzès dierinnès kesses a vey avou m' candidateure.
« El dierin côp ki dj’ a rwaitî so l’ Meta, dji n’ aveu nén co veyou vosse candidateure. » Ele n' î est nén co, lijhoz çouci : « To prolong your (interface) adminship, please start another election a few days before your temporary access expires, and after a week post your request again to this page.  » Djel metrè don so Meta li 7 di septimbe.
« Padvant, dji vodreu bén sawè si vos vloz esse manaedjeu paski vos l’ voloz. Ubén paski vos v’ sintoz oblidjî d’ el fé. » Boune kesse ! Por mi, l' frontire inte les deus est foirt tene. Cwand on tént a ene sacwè (et dji tén a Wikisourd) et k' on vout k' ça rote droet, i gn a nén a s' dimander s' on vout u s' on est doet. On l' fé et c' est tot. Vos vs dimandez, vos Sam’, si vos voloz rnetchî (rnetyî) vo brake u s' i l' fåt ? Mi, dj' ernetche (erneteye) èm måjhon paski dj' î tén, et k' i l' fåt bén fé si dji n' vou nén viker dins l' crasse. Adon, est çki dj' èm sin oblidjî... c' est ene miete målåjhey di responde à çoula, vos n' croeyoz nén ? Si vos m' dimandez si dj' vou esse manadjeu djusse po-z awè l' caskete, dji vs respond platezak : NENI. Dji m' fote des galons ! Et ça, les cis ki m' kinoxhnut l' savnut. So Wikisourd e francès, dji n' a minme nén dmandé a esse manadjeu d' eterface k' on m' a dné l' droet, et minme cwand dj' a dmandé a rdivni on simpe ovrî, on m' a leyî ç' galon la. Dji n' m' aveu måy dimandé disk' asteur si dj' esteu-st oblidjî. Dj' aide voltî, cwand dji pou, et c' est tot. Cwand les djins ont-st ene afiyance, c' est dvins les akes k' on prouve k' elle ont yeu råjhon u nén d' end awè yeune (ene). Adon dji vos dmande, Sam’, et dji ratind d' vos k' vos m' respondoz avou oniesté : est çki dvins mes ovraedjes come manadjeu so les pordjets Wikimedia i gn åreut-st ene sacwè ki vs åreut leyî sondjî ki dji n' sereu nén on bon manadjeu ? Ça s' poreut, et c' est po çoula k' dji dmande.
« Dji croe todi ki ça sereut mî ; do moens, si on-z el pout ; d' awè deus manaedjeus come so les ôtes pordjets walon-cåzants. » Adon la, dji vos rdjond a cint åcint (100%), et dji croe todi k' Pablo sereut on bon candidat, pask' i cnoxhe foirt bén l' Wikicôde po les modeles, li lingaedje LUA, come informatikî i sereut capåbe di fé des DjVus po Wikisourd, il a-st on robot po fé des ptits candjmints pa meye... Et paski dj' a-st ene grande afiyance divins çou k' i fwait. I mel a prové mwins côps. Mins s' i n' vout nén, dji n' pou nén l' foirci.
A dj' respondu a vos kessions, Sam’ ? Reptilien.19831209BE1 (copene) 4 di setimbe 2021 a 09:59 (UTC)
« Adon dji vos dmande, Sam’, et dji ratind d' vos k' vos m' respondoz avou oniesté : est çki dvins mes ovraedjes come manadjeu so les pordjets Wikimedia i gn åreut-st ene sacwè ki vs åreut leyî sondjî ki dji n' sereu nén on bon manadjeu ? Ça s' poreut, et c' est po çoula k' dji dmande. » : Dji n' a vraiymint rén yeu conte vos fijhaedjes tecnikes so les pordjets walon-cåzants. Tot rwaitant l' Wikissourd francès-cåzant, ci n' est nén a èm-minme d' vos djudjî ; dji n' so nén on mimbe d' èç kiminålté la. Avoz yeu l' caskete di manaedjeu sins d' awè dandjî des votaedjes ? Adon, proficiate. Dji so mo binåjhe po vozôtes ; tot-z espwerant k' ça vos fwait plaijhî. Dji n' pou k' vos keure ene fele avinteure po rola.
« Si vos m' dimandez si dj' vou esse manadjeu djusse po-z awè l' caskete, dji vs respond platezak : NENI. Dji m' fote des galons ! » : Si ça pout vs rapåjhî, ci n' esteut nén l' camatche d' èm dimande. Ddja, ki vôreut bén esse manaedjeu po-z awè k' les galons ?
« A dj' respondu a vos kessions, Sam’ ? » : Oyi ! C' est bon po mi. Dank traze côps.
Amiståvmint,
--Èl-Gueuye-Noere (Ene sacwè ? => Dijhoz-m' el !) 4 di setimbe 2021 a 11:39 (UTC)
Po : Vir les messaedjes padzeu. --Èl-Gueuye-Noere (Ene sacwè ? => Dijhoz-m' el !) 4 di setimbe 2021 a 11:39 (UTC)

Fwait ! Fwait ! disk' å 11 di djun 2022. Reptilien.19831209BE1 (copene) 13 di setimbe 2021 a 15:39 (UTC)