L’TIENNE DU SART QUI FAI DÉS SIENNES.
L’tienne du Sart s’avét mis à crii, à bouchi !
Si bin q’lès geins estint v’nu vire,
I rattindint, coèyant sain rire.
Qui d’allét s’desquetté ! qui d’allét s’acouchi !
Mai d’quoé ? d’in Châléroét ? ou moinse din gros villache !
Niavét d’ja sû les rangs, pou échevin et mayeure !
Clair, magister, champette, curét, instituteur !
Mai v’la ti nè in aute d’allache :
Advine in pau s’qui d’a sôrti ?
Enne sorîs ?
Pou brammin d’nos prom’teux, c’faufe ci, si c’est s’tenne craque,
V’la n’lesson qui poule nu stichi daîn leu casaque :
I vont s’crire et pârlé, mayeure ou r’présintant,
Gare ! i vont tout cangi, r’viersî padri pa d’vant !
Vô z’aurét dés ch’moins d’fier ; lés fôrtresses, on lés rasse !
Pu pont d’contributions ! parlet, vô zaurét n’plasse !
Mai s’avez bin c’qui r’toune, d’leu blaque et d’leu toupet :
In pét.