L’Sainci eiét ses Zeffants

Èn årtike di Wikisource.
[ 77 ]

L’SAINCI EIÉT SES ZEFFANTS.

(Le Laboureur et ses Enfants.)

In vi boul’omme, sintét qui s’édallet :
Mougni les pichoulis, pâ lès racennes !
Fai v’ni sés toés garçons, leu dit : « n’vo fiet né d’poénnes,
« Jé m’va contint j’ai fai m’paquét,
« Jé vo leye in pachi ! c’est toudi pou vos crousses,
« Mai woétét de n’nè l’vinde ! i vint co d’més parints,
« Nia n’chausse plaine d’ore, muchie dédain,
« Ainsi fouyét, scoupiét, tout d’chutte aprét l’aousse !
— N’miette aprét v’là l’pa,
Dain l’terre à canadas !
Léon, Châles et Louis, perde nu l’lousset, l’escoupe,
Lés zé v’la à r’tourné l’pachi,
Joû et niu sain lachi !
Aprét l’dînné, l’érciné, eiét l’soupe !
Tous lés toés d’s’erposé, d’sachire, il avînt hausse,
Mai i v’lint chaire su l’chausse !

[ 78 ]

Et quoéqui travayint, comme s’il estint au fœû,
I n’trouvint né co n’vesse dé leû !
Dain l’terrain l’abouret, v’la qui semme nu d’l’avoène ;
I leû vint in rindemint, pou lés payi d’leû poène !
ça leû za moustrét l’jœû :
Rin d’muchi dain l’pachi, mai l’pa leû moustret nette :
— « Q’si travayi n’cousse rin, ça vaut pu d’enne plaquette. »

MORALE :

A d’zeffants sain mesti, sain keure, léyet vôs liards,
I lés brichaudront rade ! i d’véront dés peyards !
L’paufe dévint rit’che au s’tot, despu l’matin s’qu’au soère.
L’fénéant passe ess’tins à mingi et à boère !
« L’sin qu’est long à mingi,
« Est long à travayi. »