L’cherugien Pierard eiét l’méd’cin Binard

Èn årtike di Wikisource.
[ 79 ]

L’CHERUGIEN PIERARD EIÉT L’MÉD’CIN BINARD.

(Les Médecins.)

In fauboûrti môrsif et presse a fai l’culbutte.
Estét sogni pa chérugien Piérard,
D’vant d’liacrachi sès bottes on èvoye quai tout d’chutte,
Pou n’consulte ell’med’cin Binard.
Piérard leu dit : j’sû bin binauche,
« J’vô l’ermettrai su pid, si prind m’droque et m’paquét.
Binard respond : « I pass’ra l’arme à gauche !
« Cest s’tin vi corps usèt,
« Et nia pu rin qui fai s’n’effet.
« M’n’homme desquin l’garde, Binard dit ; què nouvelles ?
« J’savét bin qui pettrèt, j’vo l’disét més zeffants !
— Pièrard respond : « Bin quoésqué tu berdelles ?
« Sil avait pri m’boutaye, et sil avét chû m’plan,
« I s’rèt co viquant et parlant.

[ 80 ]
MORALE :

In med’cin pou vo pia : c’est s’tin m’wai camarade,
Pa s’qué si vo l’choutèt, vo stèt toudî malade,
C’est s’taugile à comprinte : c’est s’gangne poin, c’est s’mesti,
Faut bin payi s’cârriolle, s’cocher pa d’vant padrî !
Quand on z’est bin jondu, enne bonne ercette à chure :
L’iét barboté l’med’cin, et l’iét bouté l’nature.
In med’cin n’fai né d’mau, quand on d’a bin dangi,
Mai les toès quarts du tins, i n’sai vo soulagi,
I pou bin vo r’gûerri, dîn mau d’vinte ou d’enne crampe,
Mai i n’saurét rin fai, quand nia pu d’huile dain l’lampe.