Po-z esse on payizan

Èn årtike di Wikisource.
Aller à la navigation Aller à la recherche
Emojione 270F.svg Ciste ouve ci egzistêye eto divins ds ôtès ortografeyes : Feller-sicrijheuFeller-Piron.
Po-z esse on payizan
rortografiaedje da Lucyin Mahin
1919
Po-z esse on payizan

Po-z esse on payizan – payizan come djel so – I fåt-st aveur bracné so les hôtès gonyires L' alnute, cwand les singlés dischindèt-st å galop Viè les teres la k' i vnèt disterer les crompires.

I fåt-st aler tchaeke djoû, tcherdjî d' pezants shabots Woeyî so ene trope d' åmayes, å mitan des brouyires Avou les tchifes et l' front hålés des cwate solos Et kécfeye doirmi ene nute å cour des sapinires.

I fåt esse côpeu d' troufes, taeyeu d' legnes, distrîxheu, Et sawè cdure e måss, mågré l' plouve et l' houreus Ene cope di foitès bayes atelêyes a l' eraire.

Et si rade ki djulete s' edoime loyminoymint I fåt, sins fé nole xhene, soyî s' bounî d' frumint, Tot mouyant di s' souweur li boune et frudjante tere </poem>

Note Wikissourd
sicrît li 12 di may (1919); eplaidî dins « Tåvelês d’Ârdène », Lidje, 1923, p. 8 et « Florihåye », Lidje, Vaillant-Carmanne, 1925, p. 71, rimetou e rfondou so Wikipedia e 2019, pu rabagué civola.