Po-z-èsse on payîsan
Po-z-èsse on payîsan — payîsan come dj’èl so —
I fåt st-avu brak’né so lès hautès gonhîres,
L’al’nut, qwand lès singlés dihindèt s’-å galop
Vès lès téres, là qu’is v’nèt distèrer lès crompîres.
I fåt-st-aler chake djoû, tchåssî d’ pèzants sabots,
Veûyî so ‘ne trope d’åmayes å mitan dès brouwîres ;
Avu lès tchifes èt l’front hålés dès qwate solos,
Et, tél’fèy’, dwèrmi ‘ne nut’ å coûr dès sapinîres.
I fåt-èsse côpeû d’troufe, tèyeû d’lègne, distrîheû,
Et savu k’dûre è mås, mågré l’plêve èt l’houreûs,
Ine cope di fwètes bayes atèlêyes à l’èrére.
Et, si rade qui djulèt′ s’èdwért lôy’ minôy’ mint,
I fåt, sins fé nole hègne, soyî s’bounî d’frumint,
Tot mouyant di s’souweûr li bone èt frudjante tére.