L’BERBIS, L’JENNISSE EIÉT L’GATTE AVÈT MÉNIRE LION.
(La Genisse, la Chèvre et la Brebis en société avec le Lion.)
Enne berbis, n’jennisse eiét n’gatte,
Estint avét l’Lion, pou ieuses chessi à quatte,
Ell’ gatte tind ses lacéts,
Eiet l’jennisse estint s’filet,
Ell’ berbis rotte à doëte à gauche,
Et l’lion s’tappe à terre, pou batte ess’ flemme à s’n’auche.
Dain l’filet dé l’jênnisse arrife in vi singlét,
I s’infârfouye dédain, eiét lé v’la r’zinglet ;
L’lion despiesse quatte paures, eiét i prin l’pu lauche !
— « C’t elle-ci mervint disti, pa l’raisô q’jé su roè !
« Comme ell’ pu foire droci, l’deuxième m’ervint cô d’doèt,
« J’prin l’toèsième pasqué j’su l’pu franc d’toute vo chinaye,
« Si iun woéte su l’quattième, jé vo l’l’apougne pa s’gaye.
MORALE :
A pu haut q’vous r’clamét, nia né d’avance,
Conte ell’ fauce n’ia né d’résistance.