Èl bèrbis, l’ djènisse èyèt l’ gade avè mènîr liyon

Èn årtike di Wikisource.
Ciste ouve ci egzistêye eto divins ds ôtès ortografeyes : Mwaisse modêye e (Tchålerwè, 19inme sieke)Rifondou .
Jean de Lafontaine
Èl bèrbis, l’ djènisse èyèt l’ gade avè mènîr liyon
ratournaedje da Léon Bernus et rortografiaedje da Jean-Luc Fauconnier
El Bourdon  746, moes d' may,
Èl bèrbis, l’ djènisse èyèt l’ gade avè mènîr liyon

Ène bèrbis, ‘ne djènisse èyèt ‘ne gade,
Èstént avé l’ liyon, pou yeûs′ tchèssî a quate.
Èl gade tint sès lacèts,
Èyèt l’ djènisse èstint s’ filèt,
Èl bèrbis rote a dwète a gôche,
Èt l’ liyon s’ tape a têre, pou bate ès′ flème a s’n-ôje.
Dins l’ filèt dèl djènisse arive in vî singlèr,
I s’infârfouye dèdins, èyèt l'èvla r’zinglè ;
L’ liyon dèspièce quate pôrts, èyèt i print l’ pus lôdje !
— « Ç’ tèle ci m'èrvént dit-st-i, pal réso qu’ djè sû rwè !
« Come èl pus fwârt droci, l’ deûzième m’èrvint co d’ dwèt.
« Dj’ prind l’ twèsième paç’ què dj’ sî l’ pus franc d’ toute vo chinâye.
« Si yun wéte su l’ quatième, djè vos-l-l’apougne pa s’ gâye.

Morale

A pus ôt qu’ vous r’clamèz, gn’a nén d’avance,
Conte èl fôce, gn’a nén d’ résistance.