Li bêrce vûde
Li bêrce est là dmeréye asto d'nosse lé dispû des djoûs et des samwinnes,
Qui nos trinnans l'bolet d'nosse pwinne.
Li bêrce est là, garnîye, presse. Ele ratind
Qu'on vègne y mète coutchî li p'tit gamin.
Avîr, advant-îr, èt co mwins côps, dj'a r'trouvé l'moman asglignîye
Somadjant, djèmichant, brîjîye,
Dèl cwachûre qui n'si rclôrè jamais.
Pôve moman ! aflachîye, les mwins nukéyes dins s' choû, èle brait
Au pîd del bèrce vûde, vûde come si cœûr, vûde come mi tiesse,
Qui n'arive pus à pinser l'djesse
Qu'i fauréve po bêrcer l'chagrén
Come on bêrcéve li p'tit calén.