Tchant dès Walons (fel. Vandereuse)

Èn årtike di Wikisource.
Ciste ouve ci egzistêye eto divins ds ôtès ortografeyes : Mwaisse modêye —  Feller namurwès (Louis Bodart) —  Feller nivelwès (Paul Collet) —  Feller-Haust —  Feller-Francard-Mahin —  Rifondou.
Tchant dès Walons
rortografiaedje da Jules Vandereuse
inte 1912 et 1914
Tchant dès Walons

I.

Nos-èstons fièrs di no pètite patrîye,
Di lôdje èt d’long, on pâle di sès-èfants.
Au premî rang, on l'mèt pou l'industrîye
Et dins lès-ârts, c'èt co lèye qu'èst pa d'vant.
No têre èst p'tite, més s'irloméye èst grande,
Dès-omes di syince ont fé conèche leûs noms.
Et nos-avans dès libèrtés qu'on vante :
Ev'la pouqwè qu'on-z-èst fièr d'yèsse Walon !

II.

Di no passé, quand c'èst qu'on lît l'istwêre,
A tous momints, on s'èrcrèsse, on-z-a bon,
Et no coeûr tchante quand c'èst qu'on pinse al glwêre
Di nos vîs péres qui n'èstît nén couyons.
C'èst grâce a yeûs′ qui nos vikons paujêres;
Is-ont spotchî l'inn'mi d'zous leû talon;
On l's-a r'nomè lès pus vayants dèl têre :
Ev'la pouqwè qu'on-z-èst fièr d'yèsse Walon !

III.

On s'wèt vol'tî inte fréres dèl Walonîye
Et l'on-z-èst prèt yun l'aute a s'doner l'mwin.
On fét pléji bén souvint sins qu'on l'dîye;
Et sins s'criyî par t't-avau tous lès tch-mins.
El charité qui muche dins 'ne maujonète
N'è va qu'au gnût avou mile précaucions :
El pô qu'on done, on nèl done qu'en catchète :
Ev'la pouqwè qu'on-z-èst fièr d'yèsse Walon !

IV.

Pètit pays, vos qu'a tant d'grandeû d'âme,
Pus qu'tout au monde, nos vos wèyons vol'tî.
S'on vos mèprîje, nos-îs s'rimplich'nût d'lâmes
Eyèt no coeûr sautèle a tot spiyî.
N'uchèz nén peu vos p'lèz franch'mint fé fièsse;
Di vos-èfants, lès bras yèt l' coeûr sont bons;
Èt nos-avons lès tch'feûs tout près dèl tièsse :
Ev'la pouqwè qu'on-z-èst fièr d'yèsse Walon !

Note Wikisourd

Les dates di l' eplaidaedje, c' est l' trevén ki l' Assimblêye walone (k' a publiyî cisse modêye cial « oficirmint », dandjreus dins s' gazete La Défense Wallonne) prindeut asteme al tuzance walone.