Rigrets

Èn årtike di Wikisource.
Ciste ouve ci egzistêye eto divins ds ôtès ortografeyes : Mwaisse ouve —  Feller-Haust.
Rigrets
rortografiaedje da Lucien Mahin, e rfondou walon

Rigrets

Pôve viye måjhone do bon vî tins,
Mådi l’ ci ki t’ tape a l’ valêye !
T’ åreus dvou, tot t’ veyant manceye, [1]
Ti leyî waguer so ses rins !

E li ptite rowe, ti fjheus si bén !
T’ esteus co boune po tant d’ anêyes !
Pôve viye måjhone do bon vî tins, [2]
Mådi l’ ci ki t’ tape a l’ valêye  !

Ti n’ sårès vey mi etermint ;
Ti n’ ôrès nén souner m’ poizêye.
C’ est mi k’ a schoûté ti angoneye[3]
Et k’ t’ a veyou metowe ås strins,
Pôve viye måjhone do bon vî tins !

Dins « Li pan dè Bon Diu » 2inme eplaidaedje, coleccion « Nos dialectes », Lidje, 1935, p. 45, riprins dins l’ grosse antolodjeye Piron, Mardaga, Lidje, 1979, p. 262-263.

  1. Mwaisse modêye : ritche rimaedje « valêye » / « man’cêye ».
  2. Mwaisse modêye : ritche rimaedje « bin » / « tins ».
  3. Mwaisse modêye : ritche rimaedje « pwèsêye » / « langonêye ».