Rigrèts

Èn årtike di Wikisource.
Aller à la navigation Aller à la recherche
Emojione 270F.svg Ciste ouve ci egzistêye eto divins ds ôtès ortografeyes : Mwaisse ouveRifondou walon.
Rigrèts
rortografiaedje da Jean Haust
1917
Rigrèts

Pôve vèye mohone dè bon vî tins,
mâdit l′ ci qui t’ tape à l′ valêye !
T’âreûs d’vou, tot t’ vèyant man’cêye,
ti lèyî waguer so sès rins !

È li p’tite rowe ti fèves si bin !
t’èsteûs co bone po tant d’annêyes !
Pôve vèye mohone dè bon vî tins,
mâdit l' ci qui t’ tape à l' valêye !

Ti n’ sârès vèyî mi-ètér’mint;
ti n’ôrès nin soner m’ pwèsêye.
C’est mi qu’a hoûté t’ langonêye
èt qu’ t’a vèyou mètowe ås strins,
pôve vèye mohone dè bon vî tins !

Note Wikissourd
Dins « Li pan dè Bon Diu » 2inme eplaidaedje, coleccion « Nos dialectes », Lidje, 1935 p. 45, riprins dins l' grosse antolodjeye Piron, Mardaga, Lidje, 1979, p. 262-263.