A ene viye måjhone
Bråve viye måjhone do bon vî tins,
Avou t’ souyeute dihåmonêye
Et t’ panse ki boute dizeu l’ pavêye,
Dji n’ sai vraiymint çou ki t’ sotént ![1]
Dj’ a todi-måy sogne å matén
Di t’ trover petêye a l’ valêye,
Bråve viye måjhone do bon vî tins,[2]
Avou t’ souyeute dihåmonêye.
Schoûte cial : mi vouss rinde bén contin ?
Dimeure co la bén des anêyes,
Dimeure-z î po bouter m’ poizêye
Et loukî passer mi etermint,
Bråve viye måjhone do bon vî tins !
Dins Li pan dè Bon Diu, 1î eplaidaedje, Lidje, 1914 p. 36, riprins dins l’ grosse antolodjeye Piron, Mardaga, Lidje, 1979, p. 262.