A ene viye måjhone

Èn årtike di Wikisource.
Aller à la navigation Aller à la recherche
Emojione 270F.svg Ciste ouve ci egzistêye eto divins ds ôtès ortografeyes : Mwaisse ouveFeller.
A ene viye måjhone
rortografiaedje da Lucyin Mahin
1885
Arrowleft.pngSovnance (dierin rondea del troejhinne)
A ene viye måjhone

Bråve viye måjhone do bon vî tins,
Avou t’ souyeute dihåmonêye
Et t’ panse ki boute dizeu l′ pavêye,
Dji n’ sai vraiymint çou ki t’ sotént ![1]

Dj’ a todi-måy sogne å matén
Di t’ trover petêye a l′ valêye,
Bråve viye måjhone do bon vî tins,[2]
Avou t’ souyeute dihåmonêye.

Schoûte cial : mi vouss rinde bén contin ?
Dimeure co la bén des anêyes,
Dimeure-z î po bouter m’ poizêye
Et loukî passer mi etermint,
Bråve viye måjhone do bon vî tins !

Note Wikissourd
Dins « Li pan dè Bon Diu » 1î eplaidaedje, Lidje, 1914 p. 36, riprins dins l' grosse antolodjeye Piron, Mardaga, Lidje, 1979, p. 262.

Pî-notes

  1. Mwaisse modêye: ritche rimaedje « tins » « sotint ».
  2. Mwaisse modêye: ritche rimaedje « matén » « tins ».