Po-z-ataker :
(cåzaedje ene miete diferin do tecse)
Il a stou constrût an dîj-yût′ cint septante-cink. Ça a duré cwand′ minme catwaze ans[1], paski an dîj-yût′ cint nonante-noûf, ça a stou fêt.[2]
O viyadje di Goûvi, face a l’ èglîje, vos p'loz an’mirer cisse grande dimorance, anciène mâhon d’ mèsse do docteûr Scheurette, longtimps k'nochou come « tchèstè De Pottèr » po-z-ataker, asteûre « tchèstè d’ Goûvi », fwèrt bin mètou è valeûr.
A divni propriyèté comunâle.
Vos r’mark'rez avou si dominance so on magnifike parc !
Nos-estans châl riçûs èt invités di nosse mayeûr, di l’ éch'vinat èt di tos lès ovrîs èt ovèr'rèsses ki, sins zèls, cisse fiesse n’ areût polou èsse mètou so pîd.
(cåzaedje ene miete diferin do tecse)
Pitite parantêse so l’ tchèstè Depottèr, clinike di campagne do timps d’ l’ofansive dès-Årdènes. Cisse propriyèté, adon lodjant Léon Depottèr èt s’ famile, a stou rékiziciônée pa l’armèye almande po sièrvi d’ ospitâ militaire. Li grand salon fourit mètou come sâle d’ opèrâcion, li hôl d’intréye (pwèce) è sâle d’ atinte, lès tchambes è dôrtwèr, lès payasses a minme li parket.
Lès blèssés estint opèrés di totes lès manîres. On l’zî côpeût minme on brès′ ou one djambe sin l’z’ èdwèrmi.
(prononçaedje coinrece)
Come lès médicamints estint rares, on l’zî n’neût one bone rasade di p'tit pèkèt. Brâmint morît èt on lès rastrindeût djondant dèl poytrèye divant d' èl’s-ètèrer o courti avou djûsse one creûs d’ bwès èt leû numèro d’ matricule.
Durant l’ bombardumint d’ Goûvi, one bombe di mèye kilos touma è l' pèlouse divant l’ clinike.
(prononçaedje coinrece)
On sôdârd almand fourit èssèvli vicant dès r’toumèyes di tère. A-st-avou dèl tchance ki ses soçons l’ont vèyou, èt s’ ont-i polou l’ sâver.
dit a l' après-nonne di Gouvi pol fiesse ås lingaedjes walons, 27 di setimbe 2015
Li scrijha -è pol Cawete -ea riprezinte dandjreus on Son_ê_rinflé noté /æː/ sol Wiccionaire walon.