Ûsku ça finit drole
La çmintîre du Glêreûse est mètûye ou cu dul pitite tchapèle, tout du long dul vôye d’ Anlè, avu ene cwane ki va bètcher ou Tchamp Herman. Ene pitite pwate du fiér toute arounie ki tchîpule cand on la droûve ; des grands nwârs tiyoûs ki la ravôtièt du ttåtoû, come pou-z aspêtcher les mwârts ki n’ sont nin ahèssés du couru vôye trop åjîmint ; des tombes du tous les ådjes et du toutes les sôrtes : des vîyes ki n’ sont pus aturtunûyes ku c’ est tous wazons et toutes nichtés, djusk’ ou cavå du Comte dul Rotchète, k’ i gn è nin in snè, ene rampe û ene rabrouche k’ è l’ drèt du vnu båker nu sôye-t i k’ a rèchant l’ dubout d’ sa binète, sins s’ fé raboter l’ grougnon sèyance tunante.
« La cé d’ nosse Nowèle, c’ est la dêrine dul rîléye du dzou, di-st i l’ pére. » Ele trantche dins les ôtes, ca i gn è pont d’ cwa, min in grand bokèt d’ blantche pire a twâ costés, corne c’ est les tombes modernes, asteûre.
Min, mildjo, cwesku c’ est bin d’ ça ki trinne la al tère, dulé la bwârdûre ? Tu n’dîros corne ene blantche tikète fine cafougnéye.
Dju fwê twâs ascåchéyes corne des hazéyes d’ in lîve apwinté pås tchins, pu dj’ m’ arète tout djus, clawé la.
Djézus Mariye Djozef ! c’ e-st in mousmint… ene blantche camizole. Dju vole dussu ; dju la duscafougne vormint, dj’ avize la place dul gavéye, a drète et cwesku dj’ wè ?
In roudje keur !
Ricopyî di l’ Aberteke sins candjmint ortografike.