L’COQ EIÉT L’PELLE.
(Le Coq et la Perle.)
In coq in r’tournant l’feûmî
Voêt n’pelle ! et dain du papî,
Court rade pou l’vinde à l’orféve,
— « J’coès qu’elle vaut dés liards, disti,
« Mai j’aim’rais miœu, sain minti,
« In poés dain m’géve, ou bin n’fève.
In boyard dain sés papîs,
Troufe in live quèstét bin scrî,
Court d’lé librère à purette,
— « Quoè vousse, disti, dè payi ?
« Jè n’sai l’lire c’est trop brouyi,
« J’aim’rais miœu avoé n’plaquette.
MORALE :
Enne saquoé d’drolle, mai claire ét nette :
« On donn’ra toudi dés nogettes,
« A croquer à dés geins,
« Qui n’ont pu d’dins.