L’Coq, l’Chat eiét l’jonne dé Sori

Èn årtike di Wikisource.
[ 91 ]

L’COQ, L’CHAT EIÉT L’JONNE DÉ SORI.

(Le Cochet, le Chat et le Souriceau.)

In p’tit Jônne dé Sôri, qui n’avét co rin vu,
A sti in joû bin strindu !
V’la comme il a contét c’parade là à s’vie mâme :
« Niavét toés joûs q’jestét pârti d’nô trau,
« J’avét passét Couyét, Montegnet et l’Avervau,
« Et v’la q’j’erchai doét su Sacré-Madame,
« Tout d’in coup, j’voés deux biesses, d’in visâche tout nouvia,
« Iune l’aire douce comme in mielle, estèt su în tonia ;
« L’aute qu’estét su l’feumi, féyét des crompes è gesses,
« In bru à vô stourdi ! in bouquét d’châre su s’tiesse,
« I s’trichét s’queuwe in l’aire, vraimint comme in plumat,
« Avét deux sôrtes dé bras, i tappét su s’boudenne,
« Comme si v’lét s’évolé, pou couri l’pertontenne ! »
C’estét in Coq qué l’jônne Sôri
S’plîquét à s’mâme pou l’lavoé ahiuri :
« I r’tournét tout l’feumi, avét s’bet’che dé galouffe !
« Allo, i fiét tant de s’n’esbrouffe,
« Qué mi qui s’vinte dé n’jamai avoé peû,
« J’ai fontu l’camp comme in galeû !
« Jé l’liaurét bin sat’chi les plumes dé l’pance !
« Sain li j’aurét sti fai conn’chance,
« Dé l’aute qu’a l’aire brammin méyeu !
« Avét n’pia r’lugeante comme nous autes,
« Enne queuwe comme enne saucisse, in ouye doux comme dé l’taute,
« Mai pierçcant pa momint !
« Avét lés rats i s’rét co bin cousin,
« Pasqu’il a dés orayes, comme dés p’tites é cawottes,
« J’allét d’allé li fai doudouce su sés mînottes,

[ 92 ]

« Quand l’aute du coup a fai in brû,
« A m’fai petté à gaye comme si j’estét pourchû !
— M’n’effant, distelle ell’mâme : c’ticile, c’tin hépocrite,
« Avèt s’n’aîre dé calin, c’est s’tin soûrnoés, in Chat !
« I no z’in vout à môrt ! et traîte comme in jésuite,
« Si t’avèt cheû dain s’grawe, t’aurét l’lii tés ochats !
« Mai l’aute emm’coulourdia,
« Qu’a n’voèx comme enne cryôlle,
« Doét chiervi à nôs acrachi,
« Quand l’Chat est p’tette in train d’cachi,
« A nô stranné, pou nô foute à l’cass’rolle. »

MORALE :

Méfièt vous toudi bin Françoèt,
D’jugi dés geins pa l’mine dé leû frimousse,
Comme ess’faufe ci vô l’mousse,
Toés quarts du tins on z’est trompét.

RÉFLEXIONS:

J’ai vu : q’lés geins qui vont lous lés joûs à confesse,
In gros live d’zous leû bras, qui sont toudi à messe,
Dain nô proverbe comme no l’disons :
A qui s’qu’on donn’rét bin l’bon Diœu sain confession !
Qui pâle nu d’enne voéx douce, in fiant dés sintes é gesses,
Dain l’blanc d’vô zouyes qui nouse nu né woéti :
Souvint, n’save nu qu’trompé, volé ou bin mintî.