Crapaudadje

Ciste ouve ci egzistêye eto divins ds ôtès ortografeyes : Rifondou walon —  Feller-Léonard —  Mwaisse modêye.

Lucien Mahin

Crapaudadje

1981

Prononçaedje a pô près come sicrît ciddé

Sourdant

Crapaudadje

Mon Diu toudi, ké dèr ovradje :
Courtizer la pus bèle du viadje ;

N’ nin ’nn’ aler pus rade k’ in lumçon
Pou cwède la bwêcèle du l’ maujon ;

Ratinde trwâs-ans pou k’èle dîje « ây »
Sins min.me su cbètcher drî la hâye.

C’èst nin rin d’ rapaujer s’ cayèt^[1]
D’vant la bèle-mére, fé l’ bon valèt ;

Mês i gn è co k’ la mitan d’ fwêt,
Èt come pou l’ tacsadje, ça sint mwês, ^[2]

Co trwâs-ans a l’ vôⁿye du l’ tchapèle,
Pî l’ curé aurè la dringuèle.

Riscrît cial e Feller tot ricoridjant les candjmints eneviè l’ accint d’ Transene del mwaisse modêye.

1. Djeu d’ mot ; li ci k’ est supôzé djåzer si lome « Scayet » di s’ no d’ famile.
2. C’ esteut do trevén k’ on cmincive a-z apliker li « cumul des époux » po les contribucions (radjouter les deus rivnous po clawer li båze tacsåve.