Crapôdadje

Èn årtike di Wikisource.
Aller à la navigation Aller à la recherche
Emojione 270F.svg Ciste ouve ci egzistêye eto divins ds ôtès ortografeyes : Rifondou walonFeller-LéonardMwaisse modêye.
Crapôdadje
L’Avenir du Luxembourg, 1981
prononçaedje a pô près come li mwaisse modêye

Mon Diu todis, qué dèr ovradje
Du courtiser l' pus bèle do viyadje;

N' nin aler pus rade qu' on lumeçon
Pou cwède la bwèchèle du l' maujon;

Ratinde trwas-ans pou qu'èle dîje «ây!»
Sins min.me s' bètcher pa-drî la hâye.

C'èst nin rin d' rapaujer s' cayèt[1]
Duvant l' bèle-mére, d' fer l' bon valèt;

Mais i gn-è co qu' la mitan d' faît,
Èt come pou l' taxadje, ça sint mwaîs,[2]

Co quatre ans à l' vôye du l' tchapèle,
Èt pîs l' curé aurè l' dringuèle.

Note Wikissourd
C' est l' tot prumî scrijhaedje da Lucien Mahin. Li boket fourit-st evoyî po-z esse eplaidî dins «L' Avni do Lussimbork» coirnêye walone (« Quand dju n' sês rin, dju m' tâs »). Adon, il ariva dins les mwins da Lucien Léonard, ki va scoler li scrijheu dins l' ortografeye Feller a môde namurwesse. Li boket pasrès so l' gazete li li 20 d' octôbe
prumî scrijhaedje, avou coridjaedjes et riscrijhaedje da Lucien Léonard

Pî-notes

  1. djeu d' mot; li ci k' est supôzé djåzer si lome "Scayet" di s' no d' famile.
  2. C' esteut do trevén k' on cmincive a-z apliker li «cumul des époux» po les contribucions (radjouter les deus rivnous po clawer li båze tacsåve.