Crapådaedje

Èn årtike di Wikisource.
Aller à la navigation Aller à la recherche
Emojione 270F.svg Ciste ouve ci egzistêye eto divins ds ôtès ortografeyes : Feller-LéonardFeller-Francard-MahinOrtografeye espontanêye.
Crapådaedje
1981
Crapådaedje
Prononçaedje a môde del mwaisse modêye

Mondju todi, ké deur ovraedje
Di cortizer l' pus bele do viyaedje;[1]

Èn nén ndaler pus rade k' on lumçon
Po code li båshele del måjhon;

Ratinde troes ans po k' ele dijhe «åy»
Sins minme si cbetchî drî les håyes.

C' est nén rén d' rapåjhî s' cayet[2]
Divant l' bele-mere, fé l' bon valet;

Mins i gn a co k' el mitan d' fwait,
Ca, come pol l' tacsaedje, ça sint mwais,[3]

Co troes ans al voye del tchapele,
Et pu l' curé årè s' dringuele.

Note Wikissourd
C' est l' tot prumî scrijhaedje da Lucien Mahin. Li boket fourit-st evoyî po-z esse eplaidî dins «L' Avni do Lussimbork». Adon, il ariva dins les mwins da Lucien Léonard, ki va scoler li scrijheu dins l' ortografeye Feller.

Pî-notes

  1. Li rfondaedje di "viadje" e "viyaedje" amoenne on pî d' rawete; on pôreut rispotchî "Di" (D' cortizer l' pus bele do viyaedje), mins adon, i fåt bén fé ene pitite ahote après l' ver di dvant, ca ôtrumint, on cboute li [[:w:wa:rîle des troes cossounes|]].
  2. djeu d' mot: s' cayet (si ), avou "Scayet": li ci k' est supôzé djåzer si lome "Scaillet" di s' no d' famile.
  3. C' esteut do trevén k' on cmincive a-z apliker li «cumul des époux» po les contribucions (radjouter les deus rivnous po clawer li båze tacsåve.