Awîr pièrdou
Âye rôlé t’ bosse tot-avâ l′ monde
èt sèwou d’zos mèye cîs l′ prétins,
nêvî avâ lès mérs quu l′ sonde
n’a mây murzé, lès mérs sins fin;
so dès lèdjîrès bleûsès-ondes,
âye volé duvès l′ firmamint;
posséde lu syince èt sâhe rèsponde
à chake poqwè, à chake d’oû-vint;
su t’ n’as nin sintou conte do tîne
bate d'on-aute coûr[1] lu même batemint,
dju n’ candjereû nin po t’ sôrt lu mîne;
mês su, lu k’nohant on momint,
tu n’ trovas l’amoûr quu po l′ piède,
vins s’èssonle plorer è catchète…
Note Wikisourd
Eplaideye aprume e l' Lu Vî Sprâwe, Måmdiy, moes d' nôvimbe 1927; ratournaedje e francès dins l' Antolodjeye Piron (trovåve cial p. 363).