A toûrnant do l’ voye
Rèscontrée à tournant do l’ vôye,
èle mu fit on riyant bondjoû.
Dju d’mande, loukant l’ visèdje plin d’ rôyes :
One kunohance mèskunohoue ?
« Dju so, m’ dist-èle, vosse prumî pône :
l’ amoûr quu vos n’ volîz roûvyî… »
I m’ sonla quu tot l’ song dès vônes,
è m’ coûr, vunéve du s’astâtchî.
Èle mu prit l’ min duvins lès sînes;
ni lèye, ni mi, nu d’hît pus rin;
sès deûts èstît si freûds qu’ lès mines;
on s’ mèta à djâser do tins…
Note Wikisourd
Eplaideye aprume e l' Lu Vî Sprâwe, Måmdiy, moes d' may 1927; ratournaedje e francès dins l' Antolodjeye Piron (trovåve cial p. 362).