On djoûr vinrè…
On djoûr portant vinrè là qu’ vos m’ vôroz qwiter…
L’îvièr sût bin so l′ pîd l′ pus broûlant dès-èstés
èt l′ grand brèsi qui blâme come po n’ djamây dustinde
lêt-i aute tchwa qu’ dès cènes quu nou feû n’ pout rèsprinde ?
Do l’amoûr, quu v’ moûrrîz s’i v’ faléve è passer,
d’meûrerè c’on pô do l’ djéne qwand vos m’ veûroz passer
lès prumîs tins. Après… Âroz-ve co même sovenance,
télefîe, d’ m’aveûr vèyou o l’ flohe du vos k’nohances ?…
Note Wikisourd
Eplaideye aprume e l' Lu Vî Sprâwe, Måmdiy, moes d' nôvimbe 1927; ratournaedje e francès dins l' Antolodjeye Piron (trovåve cial p. 364).