A ‘ne vèye mohone

Èn årtike di Wikisource.
Aller à la navigation Aller à la recherche
Emojione 270F.svg Ciste ouve ci egzistêye eto divins ds ôtès ortografeyes : Mwaisse ouveRifondou walon.
A ‘ne vèye mohone
rortografiaedje da Jean Haust
1885
Arrowleft.png(dierin rondea del troejhinne) Sov’nance
A ‘ne vèye mohone

Brâve vèye mohone dè bon vî tins,
avou t’ sèyeûte dihâmonêye
èt t’ panse qui boute dizeû l′ pavêye,
dji n’ sé vrêy’mint çou qui t’ soutint !

Dj’a todi-måy sogne å matin
di t’ trover pètêye à l′ valêye,
brâve vèye mohone dè bon vî tins,
avou t’ sèyeûte dihâmonêye.

Hoûte chal : mi vous-s’ rinde bin contint ?
Dimeûre co là bin dès-annêyes,
dimeûres-i po bouter m’ pwèsêye
et loukî passer mi-ètér’mint,
brâve vèye mohone dè bon vî tins !

Note Wikissourd
Dins « Li pan dè Bon Diu » 1î eplaidaedje, Lidje, 1914 p. 36, riprins dins l' grosse antolodjeye Piron, Mardaga, Lidje, 1979, p. 262.