C’è-st-à vos pîds, Notrè-Dame dè l’ Basse Auve
Quë vos-èfants sont rachonés ;
Ël-èstîne là, lë rëtche ostant quë l’ pauve
Ratindant dë veûy couroné
Vosse front bènë èt dë rimplë l’èspace
Dè l’ nom qu’on prononce së voltî,
« Vîve Notrè-Dame ! » èt n’a nëk quë n’ s’èfwace
Dë vos l’ rëdîre à plin gosî.
Nos coeûrs batîne quand, dèskindant dë s’ trône
Lès-ouy rëglatëchant d’amoûr
Doûcemint d’ssës vosse front toûr à toûr
D’ssës l’ cia d’ Jésës, pwis d’ssës l’ vosse, Notrè-Dame.
N’ètindîz nén, dè Paradës
Vosse nom së doûs qu’on faît soner, qu’on « clame »
Quë vos-èfants dîrîne todë ?
« Vîve Notrè-Dame, Notrè-Dame dè l’ Basse Auve ! »
Nosse payës n’èst nén co sins fwè
Quand on-ètind t-ossë bén rëtches quë pauves
Tant dès djins jësqu’à d’ssës lès twèts
Rèpètant « Vîve Notrè-Dame dè l’ Basse Auve ! »