Mès tch’fias sont-st-èvôye
S’ës sont-st-èvôye, c’èst nén dë m’ faute,
Djë n’ lès-a nén djouwé aus cautes
Ë faut soyë quë dj’ sos pèlé.
Djë t’neûve à mès tch’fias come on-aute
Ës-èstîne së spès, së crolés
Djë n’ lès-a nén djouwé aus cautes
C’èst come s’on m’ lès-ârot volé
S’ës sont-st-èvôye, c’èst nén dë m’ faute
C’èst qu’ës n’èstîne nén bén colés
Asteûre s’ë m’ faut pwarter calote
Së vos vèyoz quë dj’ sos pèlé
Djë vos l’ dës co : c’èst nén dë m’ faute.