Sov’nance

Èn årtike di Wikisource.
Aller à la navigation Aller à la recherche
Emojione 270F.svg Ciste ouve ci egzistêye eto divins ds ôtès ortografeyes : Mwaisse ouveRifondou walon.
Sov’nance
rortografiaedje da Jean Haust
1917
A ‘ne vèye mohone (prumî powinme del troejhinne)Arrow2right.png
Sov’nance

È l′ vèye mohone dè bon vî tins,
i d’manéve ine si bèle djonne fèye !
On n’ si poléve ripahe dè l′ vèy;
c’est vrêye qu’adon c’esteût l′ prétins.


Oûy, c’est l’iviér : on s’ rissovint…
Ine saqwè v’ sussène à l’orèye :
« È l′ vèye mohone dè bon vî tins,
i d’manéve ine si bèle djonne fèye ! »

On clègne sès-oûy, on louke â-d’vins,
on r’veut l′ mohone et si-ouhèl’rèye,
èt, so l’ soû, l′ crapôde qui sorèye,
come on l’a vèyou si sovint
è l′ vèye mohone dè bon vî tins…

Note Wikissourd
Dins « Li pan dè Bon Diu » 2inme eplaidaedje, coleccion « Nos dialectes », Lidje, 1935 p. 45-46, riprins dins l' grosse antolodjeye Piron, Mardaga, Lidje, 1979, p. 263.