Wikisourd:Tecses
Ci pådje ci vos splike çou k’ c’ est k’ on « tecse » so Wikisourd, et comint çk’ i sont contés po poleur håyner l’ nombe sol mwaisse pådje.
C’ est cwè on « tecse » ?[candjî]
So Wikisourd, on « tecse », ça pout esse èn arimé, ene tchanson, ene pîce di teyåte, on roman, u èn årtike dins ene gazete.
Si èn arimé a stî eplaidî dijh côps, divins l’ minme ortografeye u nén, so Wikisourd i sront veyous come dijh tecses diferins, pask’ i n’ ont nén stî eplaidî å minme moumint, divins l’ minme gazete, på minme eplaideu, evnd.
Metans, Li grandiveuse c’ est ene pîce di teyåte da Théophile Bovy. I gn a yeu troes eplaidaedjes : li ci d’ 1895 (nén co riscrît so Wikisourd), li ci d’ 1899, et li rfondaedje da Pablo Sarachaga, eplaidî e 2020 so Wikisourd. C’ est todi l’ minme ouve, mins so Wikisourd i sont contés come troes tecses. Les akes (u tchapites), zels, ni sont nén contés come des tecses.
Avou Les crostillons, da Joseph Kinable c’ est co ene ôte istwere. C’ est ene ouve ki rashonne toplin d’ tecses : des ptitès istweres, des crakes, evnd. k’ on preut vey tchaeke onk di zels come èn ouve. C’ est tos ces tecses la ki sont contés, nén l’ ouve leye-minme.
Egzimpes[candjî]
Les shuvantès pådjes sont contêyes come tecse :
- Li grandiveuse (1895) (prumî eplaidaedje)
- Li grandiveuse (1899) (deujhinme eplaidaedje)
- Li grandiveuse (rif. Sarachaga) (rifondaedje, èn ôte eplaidaedje)
- L’agilité del baronne (on tecse dins Les crostillons)
- Lès tchafiâdjes da p’tit Louwis/1, Lès tchafiâdjes da p’tit Louwis/2,…
- Iviêr (Desmet)/1, Iviêr (Desmet)/2 (deus tecses da Desmet k’ on l’ minme tite dins l’ minme ouve)
Les shuvantès pådjes ni sont nén contêyes come tecse :
- Li grandiveuse (pådje d’ omonimeye)
- Li grandiveuse (1899)/I (ake, tchapite)
- Les crostillons (mwaisse pådje)
- Les crostillons/Avertissement (çou n’est nén vormint on tecse)
- Lès tchafiâdjes da p’tit Louwis (mwaisse pådje)
- Iviêr (pådje d’ omonimeye)
- Li Rantoele (mwaisse pådje d’ ene gazete)
Contaedje[candjî]
Po poleur conter ene pådje come tecse, el fåt radjouter dvins l’ categoreye Tecses. Pol moumint, i nd a : 795.
I fåt dmeurer oniesse et ni radjouter l’ categoreye ki cwand l’ riscrijhaedje est fini. Ça n’ sieve a rén del radjouter so ene pådje come çtèle-ci, djusse po ré rinfler l’ tchife.