Vs ôz espaitchî les bates di coks
Vs ôz espaitchî les bates di coks
La pus d' cint-z ans. Ene bele hapêye !
Pocwè avoz dmoré astok
Et n' nén dismantchî les årmêyes ?
Vos estoz pus bukés k' des boks,
Vos, prezidints, tote li cawêye !
Endè vleur åzès bates di coks
Dabôrd ki ci n' est k' ene tchitchêye…
…Dilé les hiedes di djins a hokes
Ki les gueres hinèt sol pavêye !
Des bombes, vos nd avoz des plins stoks.
Les csemer, les rfé a hoplêyes…
Mins, va, gn a pupont d' bate di coks !
Note Wikisourd
Li tinme a stî diswalpé a pårti d' èn arimé da Joseph Brismé scrît dins les anêyes 1920.