Rigrèts (Haust, 1935)

Ciste ouve ci egzistêye eto divins ds ôtès ortografeyes : Mwaisse ouve — Rifondou walon.

Li pan dè bon Diu, Recueil complet des Poèmes wallons de Henri Simon, Préface et Glossaire de Jean Haust, « Nos Dialectes » lº 4, 1935

Sov’nance

[ 47 ]

Rigrèts

Pauve vèye mohone dè bon vî tins,
mådit l’ ci qui t’ tape al valêye !
T’åreûs d’vou, tot t’ vèyant man’cêye,
ti lèyî waguer so sès rins !

È li p’tite rowe ti féves si bin !
t’èsteûs co bone po tant d’annêyes !
Pauve vèye mohone dè bon vî tins,
mådit l’ ci qui t’ tape al valêye !

Ti n’ sårès vèyî mi-ètér’mint ;
ti n’ôrès nin soner m’ pwèsêye.
C’est mi qu’a hoûté t’ langonêye
èt qu’ t’a vèyou mètowe ås strains,
pauve vèye mohone dè bon vî tins !