Prumire lete da sint På ås djins d’ Corinte/V

Èn årtike di Wikisource.
Aller à la navigation Aller à la recherche
Emojione 270F.svg Ciste ouve ci egzistêye eto divins ds ôtès ortografeyes : Ortografeye do scrijheu - Feller.


V

1 — On-z ôt todi k' vos vs tinoz må ; eyet k' vos vs tinoz telmint må k' ç’ est co pire k’ amon les cis ki n’ croeynut nén ; ç’ est telmint pire k’ i gn a onk di vozôtes k’ a l' feme d’ ès pa !

2 — Yeyet vs estoz telmint poûris di n' tûzer k’ a vozôtes ki vs n’ avoz nén prindou l’ doû po ki l' ci k' a fwait çoula soeye fotou a l’ ouxh di vosse soce.

3 — Po mi, ki n’ a pupont d’ coir, mins k' a co m’ tiesse, dj'a d'dja metou on djudjmint, come si dj’ esteu rola, so li ci k' a fwait ça.

4 — Paski, å no då Signeur Djezus, vos yet m’ tiesse, nos estans rashonnés avou li povwer då Signeur Djezus.

5 — K’ on tel ome soeye tapé å Diale po distrure les coirs po ki l’ tiesse soeye sipårgnêye li djoû då Signeur Djezus.

6 — Ele n’ est nén foirt bele, vosse glwere : ni savoz nén k’ ene miete d' leveure fwait monter tote li påsse ?

7 — Rissatchoz vosse viye leveure po divni ene novele påsse asteure ki vs estoz sins leveure, pask' el Crisse, nosse Påke a stî axhoré.

8 — Adon, fijhans l’ fiesse, nén avou del viye leveure, ni avou ene leveure di mwaijhté, mins avou les pwins sins leveure di ç’ ki est l’ vrai.

9 — Dji vs a scrît dins m’ lete k' i fåt nén awè des rapoirts avou les dislaxhîs.

10 — Des djins k' vos dijhént k' is estént vos frés, mins ki sont des pice-crosses, des boeveus, des calfakes, des hapeus, …

11 — … eyet minme di nén magnî avou ces djins rola.

12 — K’ est-ç' ki dj' a a poirter on djudjmint po les djins ki sont foûs ? N’ estans nos nén djudjes des cis ki sont d’dins ?

13 — Li ci k' est foû, ç’ est l’ Bon Diu ki l’ djudjrè ; fotoz a l’ ouxh les calins ki sont co emey vozôtes.