Lîgeois[1], vola n’ constitution
Lîgeois, vola n’ constitution
Qu’est fait’ po l’ bonheur de l’ nâtion
I fâ qu’ vos l’acceptése,
Ca cila seret on brouillon
Qui n’ vorè nin qu’ vos l’ fése.
Jans ! corans signer tot dansant,
Jans ! corans signer tot dansant,
Nos r’vairans contens, tot chantant :
« Volà n’ ben bone joûrnaye » !
Nos sèrans parains d’inn’ efant
Qui va fé veï l’ vraye.
On z’ y va libe et sens fuzick,
On z’ y va libe et sens fuzick,
I n’ y a nin mezâh’ di berick
Po d’ hovier ciss’ potaye.
Po cila qu’est on Mèrl’ inik, [2]
C’ est inn fâmeus’ câcaye !
A c’ t’ heure, tot bon Républicain
A c’ t’ heure, tot bon Républicain
Pout dîre Hovlette à tot calain,
Et cûr ses panais d’ coesses,
Fé des boûkett’ et châffer s’ vin,
Et hoûté deux s’ treux messes.
- ↑ « Liégeois » dins l’ copeye BSLLW, mins « Lîgeois » dins l’ incipite diné dins l’ Invintåre Piron.
- ↑ Abshuveu di Merlin d’ Douwai, onk des cénk mimbes do Directwere k’ aveut dvou taper l’ cote sol håye e moes d’ djun 1799.
Tecse do replaidaedje d’ Albin Body dins l’ BSLLW, tôme 19, pp. 367-368, 1881.