Lîdjwès, volà ‘ne Constitucion
Lîdjwès, volà ‘ne Constitucion (bis)
qu’èst fête po l’ boneûr dè l’ nâcion.
I fât qu’ vos l’accèptése,
ca cilà sèrè on broulion
qui n’ vôrè nin qu’ vos l’ fése.
Djans ! corans signer tot dansant, (bis)
nos r’vêrans contints, tot tchantant :
« Volà ‘ne bin bone djoûrnêye » !
Nos sèrans pârins d’in-èfant
qui va fé vèyî l’ vrêye.
On-z-î va lîbe èt sins fuzik, (bis)
i-gn-a nin mèzâhe di bèrikes
po d’hoviért cisse potêye.
Po cilà qu’è-st-on Mèrlinik,
c’è-st-ine fameûse câkêye !
Asteûre, tot bon rèpublicain (bis)
pout dîre : hov’lète ! à tot calin,
èt cûre sès panês d’ cwèsses,
fer dès boûkètes èt tchâfer s’ vin,
èt hoûter deus′ treûs mèses.
Note Wikisourd
Li tite diné cial c’ est l’ incipite.