Lu rôse
A costé d’one rodje rôse, dj’avéve planté l’ blanc lis’
po qwand r’vinreût m’ galant èvôye bon Diu sét wice.
On sôdârd passe po ci, on rude sôdârd do Rwa.
« Sôdârd, mètchant sôdârd, lèyoz don m’ bê lis’ là !
C’èst l’ fleûr po m’ binamé qwand r’vinrè foû do l’ guère…
- I n’ tu l’ dumanderè pus, su mây dju l’ rèscontère ! »
Insi d’ha l’ rude sôdârd : i côpa m’ blanc lis’ djus !
Èt pus rodje duvint m’ rôse, pace quu m’ cour sône dussus.
Note Wikisourd
Eplaideye aprume e l' « Armonac walon d' Måm'dî » e 1937; esplikêyes e francès dins l' Antolodjeye Piron (trovåve cial p. 366).