– Vola dedja bén on moumint ki dj’ aveu-st e l’ idêye ki m’ feme mi trompéve. On djoû, dji m’ di insi : dj’ el va-st apicî. Ça fwait : dji rabroke e l’ måjhone a deus eures å dinner et d’ el trouve tote nowe so l’ lét.
Nos î estans !
Dji rbate tote li måjhone po trover l’ coupåbe, mins s rén a fé ; i n’ est catchî nole pårt, …a moens k’ e mafe ! I n a-st e-n efet ene pitite bawete ki dene so li drî del måjhone.
Dji monte e gurnî, dji mousse e mafe et dji tome so èn ome k’ asteut pindou å boird del bawete.
Dji prind on mårtea et dji late so ses doets disca tant k’ i låtche prijhe et k’ i tome so l’ pavêye. Mins i n’ esteut nén totafwait moirt. Di raedje ki dj’ esteu, dji prind l’ frigo del coujhene et dji lyi språtche so s’ tiesse. Et c’ est-st adon ki dj’ a fwait ene crijhe cardiake, edon, binamé sint Pire.
– Si n’ est nén les poennes do m’ vini raconter çou ki s’ a passé, dit-st i sint Pire, dj’ a tot veyou. Mins, c’ est bon insi ! Les wiyinmes polèt-st intrer e Paradis.
Ene miete après, vola èn ome k’ arive et ki raconte a sint Pire çou ki vént di lyi ariver.
– Figurez vs, dit-st i, ki dj’ esteu e trén de rmete deus s’ troes panes so l’ toet da Melaniye, cwand l’ tchén del cinse a fwait toumer l’ schåle ; dji m’ aveu bén rapicî al bawete do mafe, mins l’ cinsî a passé dsu mes mwins et m’ a språtchî les deuts avou on gros mårtea. On roed sot, i bouxhive come èn araedjî ; dj’ a toumé so l’ pavêye, et la, li cinsî m’ a-st achevé tot bouxhant so m’ tiesse avou l’ frigo del måjhone. Ene vraiye biesse dislaxheye !
– Åy, dit-st i sint Pire, dj’ a-st etindou ciste afwaire la. C’ est bon, les victimes des moudreus polèt-st intrer e Paradis.
Vola on troejhinme ome k’ arive et ki vout ataker a raconter a sint Pire çou ki lyi a-st arivé :
– Mi, francmint, dji n’ î comprind todi rén, dji n’ sai nén kimint k’ tot ça a-st arivé : dj’ esteu catchî tot nou dvins on frigo…
– Ça va, dit-st i sint Pire, on m’ la dedja raconté !