XXIII.
- Diewåde, derit i li Ptit Prince.
- Diewåde, responda-t i l’ martchand.
C’ esteut on martchand di perfecsionêyès pilules po n’ pus awè soe. Vos è purdoz ene al samwinne, et vos n’ avoz pus håsse di boere.
- Douvént vindoz vs çoula ? dimanda-t i li Ptit Prince.
- Vos wangnîz bråmint do tins. Les esperts on carculé ttafwait. Vos spårgnîz céncwante-troes munutes totes les samwinnes.
- Et ki fwait on avou ces céncante troes munutes la ?
- On fwèt çou k’ on vout.
«Mi, pinsa-t i li Ptit Prince, dj’ åreu céncwante-troes munutes a cochirer, dji rotreu tot doûçmint disk’ adlé ene fontinne.»
Hårdêye difoûtrinne