XXIII.
Schoûtez lu
(prononçaedje eterpayis
mins, pacô, gn a on mot di rcandjî)
(prononçaedje eterpayis
mins, pacô, gn a on mot di rcandjî)
- Bondjoû, derit i li ptit prince.
- Bondjoû, responda-t i l' martchand.
C' esteut on martchand di perfecsioneyès pilures po n' pus avu soe. Vos è purdoz ene al samwinne, et vos n' avoz pus håsse di boere.
- Douvént vindoz vs çoula? dmanda-t i li ptit prince.
- Vos wangnîz bråmint do tins. Les esperts on carculé ttafwait. Vos spårgnîz céncwante troes munutes totes les samwinnes.
- Et ki fwait on avou ces céncante troes munutes la?
- On fwait çou k' on vout!
«Mi, pinsa-t i li ptit prince, dj' åreu céncwante troes munutes a coschirer, dji rotreu tot doûçmint disk' adlé ene fontinne.»