XVIII.
Li Ptit Prince trevåtcha l’ dizert. Tot çou k’ i rescontra, ci fourit ene fleur. Ene fleur avou troes florifoyes, ene pitieuse fleur di rin do tot.
- Bondjoû, derit i li Ptit Prince.
- Bondjoû, derit ele li fleur.
- Eyu çk’ i sont, les djins ? dimanda-t i poleymint li Ptit Prince.
Li fleur, on djoû, aveut veyou passer ene caravane :
- Des djins ? I gn a, dji pinse bén, shijh ou set. Dj’ els a aporçû vola ddja des anêyes. Mins on n’ sait måy eyû çk’ on les trouvrët bén. Li vint les pormoenne. I n’ ont nén des raecinêyes, eyet il ont foirt målåjhey.
- Adiè, fijha-t i li Ptit Prince.
- Adiè, derit ele li fleur.
Hårdêye difoûtrinne