L’informatike
Dispôy qui dj’ fê d’informatike,
Dji m’sin chake djoû pus-abatou,
Sacré Bon Diu, kéne djimnastike,
Dj’arèdje tot plin, èt tos lès djoûs,
Hoûtez on pô qui dji v’s-èsplique
Asteûre poqwè dji m’sin tot bablou,
Dj’a on Mac qu’èst patrake,
Mi PC qu’è-st-an rak,
On l’ pirate, à côp d’matrake,
Lès finièsses, qu’èle sont bièsses,
Lès polices, èl maras′,
Lès coleûrs qué mâleûr,
Mi botroûle èl waîtroule,
N-a l’ècran qu’èst tot blanc,
Li scaner qu’a sès niérs,
Li tap’rèce qu’èst foû fwèce,
Li mémwère, sins èspwèr,
L’ DVD qu’èst skèté,
Li diskète fêt barète,
Li CD qu’èst hoûzé
On pixèl qui hûfèle,
Lès octèts bin trop près,
V’la l’ modem qui s’èdwème,
Li graveû, nin vigreûs,
Microsof rote à crosses
L’USB qui halcote,
Et l’ soris ride todi.
A mès djins qu’c’è-st-arèdjant tot ç’ qu’èst informatike,
A mès djins qu’c’è-st-arèdjant, pèlant, soyant,
èt pôr èmacralant.
Tchanté å cåbaret walon d' Limerlé li 21 di djanvî 2023