L’ infôrmatike (Mahin)

Èn årtike di Wikisource.
Ciste ouve ci egzistêye eto divins ds ôtès ortografeyes : Feller-Marchal (3 coplets) — Feller-Blawete.
L’ infôrmatike
rortografiaedje da Lucien Mahin (avou redjårbaedje)

L’ infôrmatike

Dispu ki dj’ fwai d’ l’ infôrmatike,
Dji dvén tchaeke djoû pus aflaxhî.
Mondju todi, ké djimlastike !
Tos les côps, c’ est s’ fé araedjî.
Schoûtez ene miete ki dj’ vos esplike
Pocwè k’ dji m’ sint tot ratchitchî.

Dj’ a on Mak
K’ est patrak ;
Mi pécé
K’ est djosté :
On l’ pirate
Al varade.
Li pinciom
Sins calciom ;
Les finiesses,
K’ ele sont biesses !
Les polices
Dins l’ wachisse ;
Les coleurs,
Ké måleur !
Mi botroûle
Dins l’ waitroûle !
La l’ ecran
K’ est tot blanc !
Li scaner
K’ a ses niers ;
Li taprece
Tome e blesse ;
Li memwere
Sins espwer ;
L’ dévédé
K’ est sketé ;
Ene diskete
Ki calpete ;
Li cédé
K’ est draené ;
On picsel
Ki xhufele ;
Les octets
Bén trop spès ;
L’ azerti
Comaxhî ;
Vla l’ modem
Ki s’ edoime ;[1]
Et l’ sori
Ki vore todi !

A mes djins, k’ c’ est nåjhixhant tot çk’ est infôrmatike
Soyant, taenant, araedjant, et pu, emacralant.

A mes djins, k’ c’ est scrandixhant ces sacwès éndjolikes
Pelant, soyant et taenant, et minme emacralant.

A mes djins, k’ est hodixhant tot çk’ est infôrmatike
Pelant, soyant et taenant. On nd a dandjî, portant.

Racourteye modêye tchantêye (a pô près) al copinreye di Gouvi a Limerlé li 15 di djanvî.

  1. Prononcî a môde lidjwesse : ki s’èdwème.