L’PÉPINOQUE EIÉT L’PÉCHEU.
In p’tit péchon pou d’véni grand,
Si l’natûre sogne pou s’viquérie,
Mai l’erlachi in attindant,
Mi, j’coét toudi q’cest s’tenne biestrie ;
Pasqu’allét vire, quand s’qué vo l’raurét co !
In coup Bernard péchét à z’asticots,
I bet’che à fond !… C’estét in Pépinoque !
« C’nest rin disti, in rasat’chant s’nauzin,
« Quinze coups ostant, niaura pou r’ciné d’moin,
« Mettonle rade dédain no manoque.
— L’péchon li dit, in ossant comme enne loque :
« Quoé v’léz fai avét mi ? Jé n’pou né vo fourni,
« Brammin pu d’enne démi bouchie,
« Léyemme bramme avét l’tins d’vénî,
« Et au trulia, in joû j’s’rai co r’péchie !
« Vô m’pôrtrét au mayeûre, ét ça li f’ra plaîgi,
« Au liœu qui vo faut co péchi,
« P’tette enne cuvelle dé Pépinoques,
« Pou fai enne escavéche, qui n’vaura né n’mastoque !
— « Né n’mastoque ! ça n’fai rin, qui li respond Bernard,
« Quoé s’qué tu pinses oh ti ? Emm’prinses pou in boyard ?
« Vo dirèt dain l’queuwêt ! et maugré vô n’idée,
« Pou d’moin vo s’rèt dain l’fricassée. »
On z’est bin l’doube pu sûre, in coup qu’on tînt n’saquoè,
Q’si on vo d’sét dix coups : aprét d’moin vo l’laurèt.