L’CRÉQUION EIÉT L’BIESSE NOÈRE.
In Créquion qu’avèt chantèt,
Tout l’estèt,
Estèt cheû dain n’rutte mîsére,
Quand l’foédure a sti dain l’aire !
Né in seûle pétit bouquet,
D’maquèe ou bin d’cra stoffèt !
I desquin foipe ét malade,
D’lé n’biesse noère ess’camarade,
Pou li d’minder à presté,
Enne saquoè pou li viqué,
Deux toès joûs, ou bin n’samoène :
— J’vo l’rindrai n’vo fiét né d’poène,
« Comme chéz l’presteû vo raurét,
« Vos liards eiét l’zintérèts. »
— L’moinse vice dain l’tiesse dè l’biesse noère :
C’est qu’elle nè presse né volti !
— « Mai quand i fièt chaud quoi fii ? »
Dist’elle au créquion. — « Au soère,
« Ou du jou, disti, j’choufflét,
« D’zous l’estuve, ou dain les cintes ! »
— « Vô chouffli ! j’in su continte,
« Ét bin m’fi, asteure dansét. »
Tout ça no mousse : qu’on doèt avoè l’idée,
Toudi pou l’ledmoin,
Pou n’né crèvé d’foin,
D’mette dè costèt aprét s’journée,
In p’tit bouquet d’poin.