Iviêr (Desmet)/3

Èn årtike di Wikisource.

Iviêr

Adaptation de « En hiver » d’Émile Verhaeren.

Dès wârbêres di djaléyes ont chaurdé l’ vôye.
— Lès prumîs blancs plomions stindus bin lon
Come dèl wate riglatichante di lumîre —
On dîreût qu’ lès maujones ont dès tchaussons.

Lès tchamps, mièrnus, sont machurés al crôye :
Tanawète, li cwâk d’on cwârbau pièrdu
Qui vint cheûre sès-éles au d’zeû dèl baurîre.
Là waîte ! si magot vike au rastrindu.

Dispôy qui li stwèlî s’a r’moussî d’ gris
Tos lès djon.nes s’ont racwèti au culot.
C’èst l’ pot tchaufé à blanc què lès r’chandit

Autou do craus qui frumjîye dins l’ platenéye
Li bwès boute foû d’ leû vinte aus maurticots,
I sondjenut à dès novèlès-eûréyes.