Iviêr (Desmet)/4

Èn årtike di Wikisource.

Iviêr

Dj’èsteû l’ djon.nia, tot bia,
Qui tchanteûve su l’ètang èdjalé.

Dj’èsteû l’ djon.nia ; on solia
Qui doneûve dès bètchs à l’èsté.

L’èsté èst yute… Dji r’mousse o bwès
Come on tchin d’ bièrdjî qu’a pièrdu s’ vôye,
Qui cache après dji n’ sé qwè,
Tot pèneû, au d’ bout d’ sès rôyes.

Dji n’ vou pont d’ dale,
Nin co dèl dolomîye,
Jusse one crwès d’ fiêr.

Su m’ lét d’aurzîye :
On bouchon d’ surale,
Èt pwis… Bonswêr !