Nîve

Èn årtike di Wikisource.
Aller à la navigation Aller à la recherche

Nîve

Il a nîvé tot li chîje
Su nos paujèrès vôyes,
Su nos-aubes èt nos maujones,
Rafûrlés come dins dèl sôye.

Lès djins rotenut sins brûti
Su l’ pî-sinte afrôyîye
Pa lès sclides dès-èfants ;
I frè tot blanc po l’ djoû d’ l’an !

On tchin aweléye, on bouli
Cheût sès cochètes naujîyes,
One tchauwe catoune su l’ poli,
Nos-ârans dès sondjes tot blancs.

I r’ligne dins lès colwêres :
F’rans n’ one crwès su l’iviêr ?…
Dèl nîve dissus dès broûs,
Dèl djaléye divant trwès djoûs !