Accoré to po vni houté

Ciste ouve ci egzistêye eto divins ds ôtès ortografeyes : Ortografeye do papîscrît (1788) —  Ortografeye SLLW vî sistinme (1881) —  Sistinme Feller-Pinon-Mahin (2020) —  Rifondou walon.

s.n.

Accoré to po vni houté

rortografiaedje da Maurice Wilmotte

Le Wallon : Histoire et littérature des origines à la fin du XVIIIe siècle, 1893

[ 145 ]

Accoré to po vni houté

1.

Accoré to po vni houté
On’ paskèy’ tot’ novell’
Fait’ so kékè Messieurs signés
E so kékè’ Dumoiselles,
Ki s’dunè on pô trop du ton,
La faridondaine, la faridondon,
I no lè fau to fé rodji,
Biribi
A la façon de Barbari,
Mon ami.

[ 146 ]

2.

Les çè k’on signè lè prumî
Sont-i to capitain’ ?
N’ sèreu-ç’ nin pu vit’ dè hyerdî
Ki n’savè k’ drapè l’lain’ ?
I n’ savè kwan on mousqueton
E-st amorci ou bin tcherdji,
Biribi, etc.

. . . . . . . . . . . . . . . . . . . .

. . . . . . . . . . . . . . . . . . . .

6.

Dju louk to lôdj’ du vey’ duvin
Dè directeûr du pôv’,
Dè foleû, dè boldji to plin
E dè martchan d’alcôv’,
On martchan d’fyér ki-est on capon,
On martchan d’oû ki fai l’bôrbi,
Biribi, etc.

7.

Adon dè Sègneûr fabrican
Servè tott’ ciss’ bell’ clik’ ;
E to lè nôb’ nègociyan,
Directeurs du fabrik’,
I s’ dunè turto bin dè ton
E d’ tim passé, i-estin’ si pti,
Biribi, etc.

8.

Asteûr i n’ polè môy’ pu mô
K’ d’enn’ alé â deu raw’,
I son mambour dè-z ospitô,
I gruzè lè rufnaw’,
So l’tim k’ dè bon vî-z Eburon
N’on(t) nin to leu sô à magni,
Biribi, etc.

. . . . . . . . . . . . . . . . . . . .

. . . . . . . . . . . . . . . . . . . .

Note Wikisourd

El tite diné cial a stî radjouté d’ après l’incipite. Les coplets 3-5 et 9-12 ni sont nén dnés.