Vos avoz discroejhlé mes bresses,
Si m’ prinde dins les vosses.
Dji m’ a leyî bircî, et rclôre mes ouys.
Dj’ a sintou l’ plaijhi monter come ene wague.
I n’ a waire falou d’ tins,
A m’ cour, po prinde muzeure do vosse.
Dj’ a tchai la, roede sote.
Vos m’ avoz achevé la, l’ alin.ne côpêye.
Dj’ a-st atrapé l’ berloke.
Dj’ a pîlé po k’ vos tårdjîxhe;
Dj’ esteu neyeye come djamåy,
Come si dj’ åreu yeu bagnî dins on rixhot.
Vos avoz plonkî dins m’ cour,
Dins m’ coir,
Dins m’ tiesse.
Vos î avoz prins tote li plaece.
Dji m’ a sintou si flåwe.
Dj’ esteu divnowe vosse djouwet;
E minme tins, dji m’ sinteu pus foite,
Pus deure, pus achevêye,
Pareye ki vos.
Et dji m’ a payî
D’ ene vicåreye a vos costés.
siné: Mareye Clape-Shabot, so ene idêye da Anne Ravet