Ravådreyes
I n a tant ki m’ ont dit d’ les scrire.
Et k’ m’ ont fwait plaijhi d’ les schoûter.
Cobén d’ côps m’ les a-t on fwait rlére,
Et minme pus d’ on côp les tchanter ?
K’ åreu dj’ fwait ? Dji m’ leyive adire ;
Cwand est çk’ on serè continté ?
Audjourdu c’ est l’ ovradje etir
K’ on rclame pa des mwaissès voltés.
L’ moxhon n’ est nén fwait po l’ gayole ;
S’ il a des aiyes, i fåt k’ i vole ;
Insi l’ a-t on todi compris.
K’ on les admete, k’ on les spepeye,
Dj’ fwai prinde l’ air a mes « Ravådreyes ».
Trop resseré, ça sint l’ moudri !