Rat’na
…Vos v’s-è sov’noz dèl maî d’ nosse man,
Vos v’s-è sov’noz dèl gout d’ nosse pwin…
…L’ôrlodje qui taudje ; ça m’ faît frumjî,
Èle dit lès djoûs qu’î-gn-a on doû…
…Si vos sârîz ci qu’ ça m’ costéye :
Sayî do d’mèrer d’astampé…
…Tot ç’ qui nosse man nos-a aprins,
C’èst d’ causer à môde di djin…
…Au d’ bout d’ mès rôyes, dji m’ènn’irè avou m’ lingadje,
Dji sèrè l’ dêrin, dji wadje !…
…Dji laîrè lès s’minces qui dj’ârè sèmé,
Por on’ ôte lès p’lu mèchner…
Sint Pîre a soflé lès tchandèles,
Li blanke lumîre riglatit su m’ linçoû,
Mi tièsse danse li quadrîye avou lès stwèles
Èt dji n’ vou nin qu’on pwate mi doû…